ମୁମ୍ବାଇ,୨୩ ।୧୧: ମହାରାଷ୍ଟ୍ରରେ ପୁଣିଥରେ କରୋନାର ପ୍ରକୋପ ଦେଖିବାକୁ ମିଳିଛି । ଏହାପରେ ରାଜ୍ୟ ସରକାର ଜନସାଧାରଣଙ୍କୁ ସତର୍କ କରାଇ ଦେଇଛନ୍ତି । ମହାରାଷ୍ଟ୍ରର ଉଦ୍ଧବ ଠାକରେ ସରକାର କହିଛନ୍ତି ଯଦି କେହି କରୋନା ନିୟମ ନ ମାନନ୍ତି ତେବେ ପୁଣିଥରେ ରାଜ୍ୟରେ ଲକ୍ଡାଉନ ଲାଗୁ କରାଯିବ । ସୂଚନାୋଗ୍ୟ, ରବିବାର ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେ କୋଭିଡ-୧୯ ନିୟମ ସହ ଲକ୍ଡାଉନଠାରୁ ଦୂରେଇ ରହିବାକୁ ସ୍ୱାସ୍ଥ୍ୟ ସୁରକ୍ଷା ନିୟମକୁ କଡାକଡି ଭାବେ ପାଳନ କରିବାକୁ କହିଛନ୍ତି । ନଚେତ୍ ରାଜ୍ୟରେ ପୁଣିଥରେ ଲକ୍ଡାଉନ୍ ଲାଗୁ କରାଯିବ । ଏହାସହ ସେ ଆହୁରି ମଧ୍ୟ ଚେତାବନି ଦେଇଛନ୍ତି କି ଯଦି ଲୋକେ ସ୍ୱାସ୍ଥ୍ୟ ନିୟମକୁ ପାଳନ ନ କରିନ୍ତି ତେବେ ରାଜ୍ୟରେ ପୁଣିଥରେ ସୁନାମି ଭଳି କରୋନା ବ୍ୟାପିଯିବ ଯାହାକୁ ନିୟନ୍ତ୍ରଣ କରିବା କଷ୍ଟକର ହୋଇପଡିବ । ଲକ୍ଡାଉନ ନିୟମରେ କୋହଳ କରିବା ଅର୍ଥ ଏହା ନୁହେଁ ଯେ କରୋନା ଚାଲି ଯାଇଛି । ମହାମାରୀ ଏବେବି ରହିଛି ତେଣୁ ସାବଧାନତା ଜରୁରୀ । ସେ ଏକ ସାକ୍ଷାତ୍କାରରେ କହିଛନ୍ତି ଅନେକ ଲୋକେ ଏବେ କରୋନାକୁ ନେଇ ସତର୍କ ହୋଇ ଗଲେଣି । କିନ୍ତୁ କିଛି ଲୋକ ଏବେବି ମାସ୍କ ନ ପିନ୍ଧିବା ଅବା ସାମାଜିକ ଦୂରତା ବଜାୟ ରଖିବା ଆଦିକୁ ସମ୍ପୂର୍ଣ୍ଣ ଭୁଲି ଯାଉଛନ୍ତି ।
