ମୁମ୍ବାଇ,୧୮।୨ : ଶିବସେନାର ନିର୍ବାଚନୀ ଉଦ୍ଧବ ଠାକରେଙ୍କଠାରୁ ଚିହ୍ନ ଛଡ଼ାଇ ନିଆଯାଇଥିବା ତାଙ୍କ ସମର୍ଥକମାନେ ଅଭିଯୋଗ କରିଛନ୍ତି। ଏହା ସହିତ ବାସଭବନ ମାତୋଶ୍ରୀରେ ଉଦ୍ଧବ ତାଙ୍କ ସମର୍ଥକଙ୍କୁ ନିର୍ବାଚନ ପାଇଁ ପ୍ରସ୍ତୁତ ରହିବାକୁ ଏକ କାର ଉପରେ ଠିଆ ହୋଇ ପରାମର୍ଶ ଦେଇଛନ୍ତି।
ଏପରିସ୍ଥଳେ ଭାଜପା ନେତା କେଶବ ଉପାଧ୍ୟାୟ ଉଦ୍ଧବଙ୍କୁ ଟାର୍ଗେଟ କରିଛନ୍ତି। ସେ ଟୁଇଟ କରି କହିଛନ୍ତି ଶିବସେନା ପ୍ରତିଷ୍ଠାତା ବାଲାସାହେବ ଠାକରେଙ୍କ ଭଳି ନକଲ କରି କେବଳ କାର ଉପରେ ଠିଆ ହୋଇଗଲେ ଉଦ୍ଧବ ତାଙ୍କ ପରି ହୋଇପାରିବେ ନାହିଁ।
ବାଲାସାହେବ ଦିନରାତି କଠିନ ପରିଶ୍ରମ କରୁଥିଲେ। ଶିବସେନାର ବିକାଶ ପାଇଁ କର୍ମୀଙ୍କ ସହିତ ମିଶି କାମ କରୁଥିଲେ।
ମାତ୍ର ଉଦ୍ଧବ ନିଜ ଘରୁ ବାହାରକୁ ବାହାରୁ ନାହାନ୍ତି। କେବେ କର୍ମୀମାନଙ୍କ ସହିତ ସାକ୍ଷାତ କରି ନ ଥାନ୍ତି। ଦଳୀୟ ସଂଗଠନକୁ ଆଘାତ ଦେଇ ଉଦ୍ଧବ ଅନୈତିକ ଭାବେ କ୍ଷମତା ହାସଲ କରିଥିଲେ। ଏବେ ତାଙ୍କୁ ଉଚିତ ଶିକ୍ଷା ମିଳିଛି ବୋଲି କେଶବ କହିଛନ୍ତି।