ଲାସ ଭେଗାସ, ୨୯।୬:ଇଏସପିଏନ ୧୨ ଇଭେଣ୍ଟ ମଧ୍ୟରୁ ଏଠାରେ ଅନୁଷ୍ଠିତ ଅଲ୍ଟିମେଟ ଫାଇଟିଂ ଚାମ୍ପିୟନଶିପ୍ (ୟୁଏଫସି) ଲଢ଼େଇରେ ଅନେକ ନାମୀ ଫାଇଟରଙ୍କୁ ଦେଖିବାକୁ ମିଳିଛି। ଏହାର ମୁଖ୍ୟ ଇଭେଣ୍ଟରେ ଆମେରିକାର ପେସାଦାର ମିକ୍ସଡ ମାର୍ଶାଲ ଆଟର୍ସ ଫାଇଟର ଡଷ୍ଟିନ ପୋରିଅର ବିଜେତା ହୋଇଛନ୍ତି। ପୂର୍ବତନ ଅନ୍ତରୀଣ ଲାଇଟଓ୍ବେଟ ଚାମ୍ପିୟନ ପୋରିଅର ୩ ରାଉଣ୍ଡ ବିଶିଷ୍ଟ ନିର୍ବିବାଦୀୟ ଲଢ଼େଇରେ ନ୍ୟୁଜିଲାଣ୍ଡର ଡାନ ହୁକରଙ୍କୁ ୪୮-୪୭, ୪୮-୪୭, ୪୮-୪୬ ପଏଣ୍ଟରେ ହରାଇ ଟାଇଟଲ ହାସଲ କରିଛନ୍ତି। ଓ୍ବେଲ୍ଟରଓ୍ବେଟ କାଟେଗୋରିରେ ମାଇକ ପେରୀ ୨୯-୨୮, ୨୯-୨୮, ୨୯-୨୮ ପଏଣ୍ଟରେ ମିକି ଗାଲ୍ଙ୍କୁ ପରାସ୍ତ କରିଛନ୍ତି। ଫିଦରଓ୍ବେଟରେ ୟୁସିଫ ଜଲାଲ ୨୯-୨୮, ୨୯-୨୮, ୨୯-୨୮ରେ ଜୋର୍ଡାନ ଗ୍ରିଫିନଙ୍କୁ ଏବଂ ହେଭିଓ୍ବେଟରେ ଟାନେର ବୋସେର ୨ ରାଉଣ୍ଡ ମଧ୍ୟରେ ଫିଲିପେ ଲିନ୍ସଙ୍କୁ ନକ୍ଆଉଟ କରିଛନ୍ତି।