ପ୍ୟାରିସ, ୧୭।୮: ବିଶ୍ୱ ଚାମ୍ପିୟନ ଧାବକ ଉଗାଣ୍ଡାର ଜୋଶୁଆ ଚେପ୍ଟେଗି ୫ ହଜାର ମିଟର ଦୌଡ଼ରେ ନୂଆ ବିଶ୍ୱ ରେକର୍ଡ ସ୍ଥାପନ କରିଛନ୍ତି। ମୋନାକୋରେ ଅନୁଷ୍ଠିତ ଡାଇମଣ୍ଡ ଲିଗ୍ ଅବସରରେ ଜୋଶୁଆ ଏହି ନୂତନ ରେକର୍ଡ ପ୍ରତିଷ୍ଠା କରିବା ସହ ସ୍ବର୍ଣ୍ଣ ପଦକ ହାସଲ କରିଛନ୍ତି। ୫ ହଜାର ମିଟର ଦୂରତାକୁ ସେ ୧୨ ମିନିଟ୍ ୩୫:୩୬ ସେକେଣ୍ଡରେ ଫିନିଶ୍ କରିଥିଲେ। ଏଥିସହ ୫ ହଜାର ମିଟର ଦୌଡ଼ରେ ରହିଥିବା ୧୬ ବର୍ଷର ପୁରୁଣା ରେକର୍ଡକୁ ଭାଙ୍ଗିଛନ୍ତି ଜୋଶୁଆ। ୨୦୦୪ରେ ଇଥିଓପିଆର ଟ୍ରାକ୍ ଲିଜେଣ୍ଡ କେନେନସିଆ ବେକେଲ ୫୦୦୦ ମିଟର ରେସ୍କୁ ୧୨ ମିନିଟ୍ ୩୭:୩୫ ସେକେଣ୍ଡରେ ଫିନିଶ୍ କରି ବିଶ୍ୱରେକର୍ଡ କରିଥିଲେ। ବେକେଲଙ୍କ ନାମରେ କିନ୍ତୁ ୧୦ ହଜାର ମିଟର ବିଶ୍ୱ ରେକର୍ଡ ରହିଛି।
