ନୂଆଦିଲ୍ଲୀ, ୨୧।୫ : ଗ୍ୟାସ୍ ସିଲିଣ୍ଡର ପେଟ୍ରୋଲ ଏବଂ ଡିଜେଲର ବଢୁଥିବା ଦାମ ନେଇ ଦେଶର ଲୋକେ ହଇରାଣ ହେଉଥିବାବେଳେ କେନ୍ଦ୍ର ସରକାର ଶନିବାର ଏକ ବଡ଼ ଘୋଷଣା କରିଛନ୍ତି। ଅର୍ଥମନ୍ତ୍ରୀ ଆହୁରି ମଧ୍ୟ କହିଛନ୍ତି ଯେ, ପ୍ରଧାନମନ୍ତ୍ରୀ ଉଜ୍ୱଳା ଯୋଜନାରେ ନଅ କୋଟିରୁ ଅଧିକ ହିତାଧିକାରୀଙ୍କୁ ସିଲିଣ୍ଡର ପିଛା ୨୦୦ଟଙ୍କା ସବସିଡି ୧୨ଟି ସିଲିଣ୍ଡର ପର୍ଯ୍ୟନ୍ତ ଦିଆଯିବ। ଏହା ଆମ ମା ଏବଂ ଭଉଣୀମାନଙ୍କୁ ସାହାଯ୍ୟ କରିବ ବୋଲି ସେ କହିଛନ୍ତି। ଏହାଦ୍ୱାରା ୯ କୋଟିରୁ ଅଧିକ ହିତାଧିକାରୀ ଉପକୃତ ହୋଇପାରିବେ।
ସୀତାରାମଣ କହିଛନ୍ତି ଯେ ପ୍ଲାଷ୍ଟିକ ଉତ୍ପାଦଗୁଡ଼ିକ ପାଇଁ ଆମେ କଞ୍ଚାମାଲ ଏବଂ ମଧ୍ୟସ୍ଥିମାନଙ୍କ ଉପରେ କଷ୍ଟମ ଡ୍ୟୁଟି ମଧ୍ୟ ହ୍ରାସ କରୁଛୁ ଯେଉଁଠାରେ ଆମର ଆମଦାନୀ ନିର୍ଭରଶୀଳତା ଅଧିକ ବୃଦ୍ଧି ପାଇବ। କିଛି ଇସ୍ପାତ କଞ୍ଚାମାଲ ଉପରେ ଆମଦାନୀ ଶୁଳ୍କ ମଧ୍ୟ ହ୍ରାସ ପାଇବ। ନିର୍ଦ୍ଦିଷ୍ଟ ଇସ୍ପାତ ଦ୍ରବ୍ୟ ଉପରେ ରପ୍ତାନି ଶୁଳ୍କ ଆଦାୟ କରାଯିବ ବୋଲି ଅର୍ଥମନ୍ତ୍ରୀ କହିଛନ୍ତି।
ଅର୍ଥମନ୍ତ୍ରୀ କହିଛନ୍ତି ଯେ ସିମେଣ୍ଟର ଉପଲବ୍ଧତାକୁ ସୁଦଢ଼ କରିବା ପାଇଁ ମାନକ ଲାଗୁ କରାଯାଉଛି ଏବଂ ସିମେଣ୍ଟର ମୂଲ୍ୟ ହ୍ରାସ କରିବା ପାଇଁ ସର୍ବୋତ୍ତମ ଲଜିଷ୍ଟିକ ବ୍ୟବହାର କରାଯାଉଥିବା ସେ କହିଛନ୍ତି କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ କହିଛନ୍ତି ଯେ ଆମେ ପେଟ୍ରୋଲ ଉପରେ ସେଣ୍ଟ୍ରାଲ ଏକ୍ସାଇଜ ଡ୍ୟୁଟି (ଉତ୍ପାଦ ଶୁଳ୍କ) କୁ ୮ ଟଙ୍କା ଏବଂ ଡିଜେଲ ଉପରେ ୬ ଟଙ୍କା ହ୍ରାସ କରିଥିବା ସୂଚନା ଦେଇଛନ୍ତି। ଏହାଦ୍ୱାରା ପେଟ୍ରୋଲର ମୂଲ୍ୟ ଲିଟର ପିଛା ୯.୫ ଟଙ୍କା ଏବଂ ଡିଜେଲ ଲିଟର ପିଛା ୮ ଟଙ୍କା ହ୍ରାସ ପାଇବ।