କରୋନା ସମୟରେ ଅଧିକାଂଶ ଲୋକ ଚାକିରି ହରାଇ ଘରେ ବସିଛନ୍ତି। ଜଣେ ଦମ୍ପତି ଚାକିରି ହରାଇ ମଧ୍ୟ ମାଲାମାଲ୍ ହୋଇଛନ୍ତି। ବ୍ରିଟେନରେ ରହୁଥିବା ଶିବୁ ପଲ ଏବଂ ତାଙ୍କ ସ୍ତ୍ରୀ ଲିନନେଟ୍ ଜୋଶେଫ୍ ‘ବେଷ୍ଟ୍ ଅଫ୍ ଦ ବେଷ୍ଟ’ ଦ୍ୱାରା ଆୟୋଜିତ ଲାଇଫ୍ଷ୍ଟାଇଲ୍ ପ୍ରତିଯୋଗିତାର ବିଜେତା ହୋଇ ୧୮.୯୪ ଲକ୍ଷ ଟଙ୍କା ଜିତିଛନ୍ତି। କେରଳର କୋଟ୍ଟାୟମ ଜିଲାର ୩୧ ବର୍ଷୀୟ ଶିବୁ ବ୍ରିଟେନର ନଟିଂହମରେ ରୁହନ୍ତି। ସେ ଜଣେ ସାଉଣ୍ଡ ଇଞ୍ଜିନିୟର ଭାବେ କାର୍ଯ୍ୟ କରୁଥିଲେ। ତାଙ୍କ ସ୍ତ୍ରୀ ଜଣେ ଷ୍ଟାଫ୍ ନର୍ସ। ଶିବୁ କରୋନା ଯୋଗୁ ଚାକିରି ହରାଇଛନ୍ତି। ଅନେକ ଇଣ୍ଟରଭ୍ୟୁ ଦେଉଥିଲେ ମଧ୍ୟ କେଉଁଠି ତାଙ୍କୁ ଚାକିରି ମିଳୁନାହିଁ। ଏହି ସମୟରେ ସେ ‘ବେଷ୍ଟ୍ ଅଫ୍ ଦ ବେଷ୍ଟ’ରେ ତିନିଟି ଟିକେଟ୍ କିଣିଥିଲେ। ଗତଥର ଏହି ପ୍ରତିଯୋଗିତାରେ ଭାଗ ନେଇଥିଲେ ମଧ୍ୟ ଭୁଲବଶତଃ ସେଠାକୁ ଯିବାକୁ ଭୁଲିଯାଇଥିଲେ। ଏଥର କିନ୍ତୁ ପ୍ରତିଯୋଗିତାରେ ଭାଗ ନେଇ ଶିବୁ ବିଜେତା ହୋଇଥିଲେ। ଏହି ଟଙ୍କା ଜିତି ବେଶ୍ ଖୁସି ଅଛନ୍ତି ଶିବୁ। ସେ କହିଛନ୍ତି ଚାକିରି ଯିବା ସମୟ ଏହି ଟଙ୍କା କାମରେ ଆସିବ। ଏଥିରେ ନିଟଂହମରେ ଗୋଟିଏ ଯାଗା କିଣିବାର ସେ ଯୋଜନା କରିଛନ୍ତି।
