ହୋମ୍ କ୍ୱାରାଣ୍ଟାଇନରେ ଥିବା ବେଳେ କେଶ କାଟିବା ଜଣେ ବ୍ୟକ୍ତିଙ୍କୁ ମହଙ୍ଗା ପଡ଼ିଛି। ଏଥିପାଇଁ ତାଙ୍କୁ ୭,୬୦୦ ଡଲାର ଫାଇନ୍ ଲାଗିଛି। ଯାହାକି ଭାରତୀୟ ମୂଲ୍ୟରେ ୫ ଲକ୍ଷ ୬୭ ହଜାର ୫୫୩ ଟଙ୍କା ହେବ।
ଏକ ରିପୋର୍ଟ ଅନୁଯାୟୀ, ଯୁକ୍ତରାଷ୍ଟ୍ର ଆମେରିକାର ଗାରେଥ ଲେ ମୋନିଅର ନାମକ ବ୍ୟକ୍ତି ଜୁଲାଇ ୩ରେ ନିଜ ସ୍ତ୍ରୀଙ୍କୁ ଭେଟିବା ପାଇଁ ଆଇଲ୍ୟାଣ୍ଡର ଗର୍ନେସି ଦ୍ୱୀପରେ ପହଞ୍ଚିଥିଲେ। ଏହା ପରେ ତାଙ୍କୁ ୧୪ ଦିନ ହୋମ୍ କ୍ୱାରାଣ୍ଟାଇନରେ ରହିବା ଥିଲା। ମାତ୍ର କ୍ୱାରାଣ୍ଟାଇନ ଅବଧି ଶେଷ ହେବା ପୂର୍ବରୁ ମୋନିଅର କେଶ କାଟିବାକୁ ସେଲୁନ୍କୁ ଯାଇଥିଲେ। ଏହା ଦେଖି ପଡ଼ୋଶୀମାନେ ଅଭିଯୋଗ କରିଥିଲେ। ମୋନିଅର ଜୁଲାଇ ୧୫ ଓ ୧୬ ତାରିଖରେ ଏକ ଖେଳନା ଓ କଫି ଦୋକାନକୁ ମଧ୍ୟ ଯାଇଥିଲେ। ଏହା ପରେ ସୀମା ଏଜେନ୍ସି ତାଙ୍କ ଘରେ ପହଞ୍ଚିଥିଲା। ମୋନିଅର ତାଙ୍କୁ ଦେଖା ଦେଇ ନ ଥିଲେ। ଫଳରେ ସୀମା ଏଜେନ୍ସି କାରର ସିଟ୍ ପଛରୁ ତାଙ୍କୁ ଧରିବା ପରେ ଗିରଫ କରଥିଲେ। ଶେଷରେ ଏହି ଘଟଣା କୋର୍ଟ ପର୍ଯ୍ୟନ୍ତ ଗଲା। ତାଙ୍କ ନାମରେ ମୋଟା ଅଙ୍କର ଜରିମାନା ଲଗାଗଲା। ସବୁ ଟଙ୍କା ଦେବା ପରେ ଛଡ଼ାଯିବ ନିର୍ଦ୍ଦେଶ ରହିଛି।