ଦେଶର ସୁରକ୍ଷା ପାଇଁ ଚାଇନା ବିପଦ, ଏହାର ମୁକାବିଲା ପାଇଁ ସରକାରଙ୍କ ପଦକ୍ଷେପ ପର୍ଯ୍ୟାପ୍ତ ନୁହେଁ: ସଂସଦୀୟ କମିଟି ରିପୋର୍ଟ

ଇଂଲଣ୍ଡ,୧୪।୭: ବ୍ରିଟେନର ସଂସଦୀୟ କମିଟି ଦେଶର ଜାତୀୟ ସୁରକ୍ଷାକୁ ନେଇ ଏକ ଆଶ୍ଚର୍ଯ୍ୟଜନକ ରିପୋର୍ଟ ପ୍ରକାଶ କରିଛି। ଏଥିରେ ଦର୍ଶାଯାଇଛି ଯେ ବ୍ରିଟେନର ଜାତୀୟ ସୁରକ୍ଷା ପାଇଁ ଚାଇନା ଏକ ବଡ଼ ବିପଦ। ଏହି ଅନୁଯାୟୀ, ବ୍ରିଟେନକୁ ଟାର୍ଗେଟ କରିବାରେ ଚାଇନା ଏ ପର୍ଯ୍ୟନ୍ତ ସଫଳ ହୋଇଛି, କାରଣ ଏହି ବିପଦର ମୁକାବିଲା ପାଇଁ ସରକାର ପକ୍ଷରୁ କୌଣସି ଉତ୍ତମ ନୀତି ପ୍ରସ୍ତୁତ ହୋଇନାହିଁ।

ସଂସଦର ସୁରକ୍ଷା କମିଟିର ଏହି ରିପୋର୍ଟ ଉପରେ ବ୍ରିଟେନ ଗଣମାଧ୍ୟମରେ ବିତର୍କ ଚାଲିଛି। ଏହି ରିପୋର୍ଟରେ ବ୍ରିଟିଶ ସରକାର ଏହି ସମସ୍ୟାଗୁଡିକୁ ଚିହ୍ନିବାରେ ବିଫଳ ହୋଇଥିବା ଅଭିଯୋଗ ହୋଇଛି। ଏହା ବ୍ୟତୀତ ଚାଇନା ବ୍ରିଟିଶ ଅର୍ଥନୀତିର ପ୍ରତ୍ୟେକ କ୍ଷେତ୍ରରେ ଏକ ସମସ୍ୟା ସୃଷ୍ଟି କରିଛି ବୋଲି କୁହାଯାଇଛି।

ଉଲ୍ଲେଖନୀୟ କଥା ହେଉଛି, ପୂର୍ବରୁ ବ୍ରିଟିଶ ପ୍ରଧାନମନ୍ତ୍ରୀ ଋଷି ସୁନକ କହିଥିଲେ, ଚାଇନା ଟେକ୍ନୋଲୋଜି ଉପରେ ବ୍ରିଟେନର ନିର୍ଭରଶୀଳତା ହ୍ରାସ କରିବା ପାଇଁ ତାଙ୍କ ସରକାର ଗୁରୁତ୍ୱପୂର୍ଣ୍ଣ ପଦକ୍ଷେପ ନେଉଛନ୍ତି। ତେବେ ସେ ଚାଇନା ସହ ଖୋଲା ସମ୍ପର୍କ ରଖିବାକୁ ଇଚ୍ଛା ପ୍ରକାଶ କରିଛନ୍ତି। ସୁନକଙ୍କ ରକ୍ଷଣଶୀଳ ସରକାରକୁ ସମାଲୋଚନା କରି ରିପୋର୍ଟରେ କୁହାଯାଇଛି ଯେ ଚାଇନା ଆକାର, ସାମର୍ଥ୍ୟ ଏବଂ ଉତ୍ସାହ ଏହାକୁ ବ୍ରିଟେନର ଅର୍ଥନୀତିର ପ୍ରତ୍ୟେକ କ୍ଷେତ୍ରକୁ ପ୍ରବେଶ କରିବାରେ ସକ୍ଷମ କରିଛି। ଏଥିରେ କୁହାଯାଇଛି ଯେ ଚାଇନାର ଏହି ବିପଦକୁ ରୋକିବା ପାଇଁ ସରକାର ନେଇଥିବା ପଦକ୍ଷେପ ପର୍ଯ୍ୟାପ୍ତ ନୁହେଁ।