ଲଣ୍ଡନ,୨୬ ।୧୧: ବ୍ରିଟେନ ପ୍ରଧାନମନ୍ତ୍ରୀ ଋଷି ସୁନକ ଦେଶରେ ପ୍ରବାସୀ ନାଗରିକଙ୍କ ସଂଖ୍ୟା କମ କରିବାକୁ ଚିନ୍ତା କରୁଛନ୍ତି । ଏଥିପାଇଁ ସେ ବ୍ରିଟେନର ପ୍ରମୁଖ ବିଶ୍ୱ ବିଦ୍ୟାଳୟରେ ପ୍ରବେଶ ସୀମିତ କରିବାକୁ ଯୋଜନା କରୁଛନ୍ତି । ଏହି ଯୋଜନାକୁ ନେଇ ଭାରତୀୟ ମୂଳ ବାସିନ୍ଦା ସେମାନଙ୍କ ଭିଜା ନ କାଟିବାକୁ ଗୁହାରୀ କରିଛନ୍ତି ।
ସୁନକ ପ୍ରବାସୀଙ୍କ ସଂଖ୍ୟା ହ୍ରାସ କରିବାକୁ କେବଳ ପ୍ରବେଶ ସୀମିତ ରଖିବାକୁ ନୁହେଁ ବରଂ ଛାତ୍ରମାନଙ୍କ ନିର୍ଭରଶୀଳଙ୍କ ପାଇଁ ଭିଜା ସଂଖ୍ୟା କମ କରିବାକୁ ବି ସୁନକ ଚାହୁଁଛନ୍ତି । ଏଭଳି ପରିସ୍ଥିତିରେ ବ୍ରିଟେନରେ ବିଦେଶୀ ଭାରତୀୟଙ୍କ ନେତୃତ୍ୱରେ ଏକ ଛାତ୍ର ସଙ୍ଗଠନ ବିଦେଶୀମାନଙ୍କ ପାଇଁ ଅଧ୍ୟୟନ ଭିଜା କାଟିବା ଯୋଜନାର ପୁନର୍ବିଚାର କରିବାକୁ ଅନୁରୋଧ କରିଛି । ସୂଚନାଯୋଗ୍ୟ, ବ୍ରିଟେନରେ ପ୍ରବାସୀଙ୍କ ସଂଖ୍ୟା ଏକ ରେକର୍ଡ ସ୍ତରରେ ପହଞ୍ଚିଥିବାରୁ ସୁନକଙ୍କୁ ଏହି ପଦକ୍ଷେପ ନେବାକୁ ପଡିବ ।