ଲଣ୍ଡନ,୯ ।୧୧: ଭାରତ ବାୟୋଟେକର କୋଭିଡ-୧୯ ଭ୍ୟାକ୍ସିନ ‘କୋଭାକ୍ସିନ’ ନେଇଥିବା ଲୋକେ ଏଣିକି ବିନା ବାଧାରେ ବ୍ରିଟେନ ଯାତ୍ରା କରିପାରିବେ । ବ୍ରିଟିଶ ସରକାର ଘୋଷଣା କରିଛନ୍ତି କି ୨୨ ନଭେମ୍ବରରୁ କୋଭାକ୍ସିନକୁ ଜରୁରୀକାଳୀନ ବ୍ୟବହାର ସୂଚିରେ ସାମିଲ କରିବେ । ଏହାପରେ କୋଭାକ୍ସିନର ଦୁଇଟି ଯାକ ଡୋଜ ନେଇଥିବା ଲୋକେ ବିନା ବାଧାରେ ବ୍ରିଟେନ ଯାତ୍ରା କରିପାରିବେ । ବ୍ରିଟେନର ମହାସଚିବ ଏଲେକ୍ସ ଏଲିସ ଏହାକୁ ନେଇ ଟୁଇଟ୍ ବି କରିଛନ୍ତି । ସେ ଲେଖିଛନ୍ତି ୨୨ ନଭେମ୍ବରରୁ ୟୁକେ ଭାରତର କୋଭାକ୍ସିନ ଟିକାକୁ ଜରୁରୀକାଳିନ ବ୍ୟବହାର ସୂଚିରେ ସାମିଲ କରିବ । ଏହାପରେ ଏହାର ଦୁଇଟି ଡୋଜ ନେଇଥିବା ଲୋକେ ସେଲ୍ଫ ଆଇସୋଲେଟ ହେବାର ଆବଶ୍ୟକତା ନାହିଁ । ସୂଚନାଯୋଗ୍ୟ, ଗତ ସପ୍ତାହରେ ବିଶ୍ୱ ସ୍ୱାସ୍ଥ୍ୟ ସଙ୍ଗଠନ(ଡବ୍ଲୁଏଚ୍ଓ) କୋଭାକ୍ସିନକୁ ଜରୁରୀକାଳୀନ ବ୍ୟବହାର ପାଇଁ ମଞ୍ଜୁରୀ ଦେବା ପରେ ଏବେ ବ୍ରିଟେନ ସରକାର ଏହାକୁ ଗ୍ରହଣ କରିଛନ୍ତି ।