କ୍ୱିଭ,୨।୫: ରୁଷିଆ ସହ ୟୁକ୍ରେନର ଏକ ବର୍ଷରୁ ଊର୍ଦ୍ଧ୍ୱ ସମୟ ଧରି ଲାଗି ରହିଥିବା ଯୁଦ୍ଧ ମଧ୍ୟରେ ଏବେ ୟୁକ୍ରେନ ଏମିତି ଏକ କାମ କରିଛି ଯାହା ଭାରତୀୟଙ୍କ ଧାର୍ମିକ ଭାବନାକୁ ଆଘାତ ପହଞ୍ଚାଇଛି। ଏବେ କିନ୍ତୁ ସେ ଏହି କାର୍ଯ୍ୟ ପାଇଁ ଅନୁତାପ କରିବା ସହ ଭାରତକୁ କ୍ଷମା ମାଗିଛି। ସୂଚନାଯୋଗ୍ୟ, ୟୁକ୍ରେନର ପ୍ରତିରକ୍ଷା ମନ୍ତ୍ରଣାଳୟ ଏକ ଫଟୋ ଟୁଇଟ କରିଛି ଯେଉଁଥିରେ ହିନ୍ଦୁ ଦେବୀ ମା’କାଳୀଙ୍କ ଆପତ୍ତିଜନକ ଫଟୋକୁ ଦେଖାଯାଇଛି। କିଛି ସମୟ ପରେ ୟୁକ୍ରେନ୍ ତା’ର ଭୁଲ ବୁଝିପାରି ଫଟୋକୁ ଟୁଇଟରରୁ ଡିଲିଟ କରି ଦେଇଥିଲା।
ଏବେ ୟୁକ୍ରେନର ଉପ ବୈଦେଶିକ ମନ୍ତ୍ରି ଏମିନ ଝାପରୋଭା ତାଙ୍କ ପ୍ରତିରକ୍ଷା ମନ୍ତ୍ରଣାଳୟ ଦ୍ୱାରା କରାଯାଇଥିବା ଭୁଲ ପାଇଁ କ୍ଷମା ମାଗିଛନ୍ତି। ସେ ଟୁଇଟ କରିଛନ୍ତି, କି ୟୁକ୍ରେନର ପ୍ରତିରକ୍ଷା ମନ୍ତ୍ରଣାଳୟ ଦ୍ୱାରା ହିନ୍ଦୁ ଦେବୀ କାଳୀଙ୍କ ବିକୃତ ରୂପକୁ ଚିତ୍ରିତ କରିଥିବାରୁ ଆମେ ଦୁଃଖ ପ୍ରକାଶ କରୁଛୁ। ୟୁକ୍ରେନ ଓ ଏହାର ବାସିନ୍ଦା ଭାରତୀୟ ସଂସ୍କୃତିର ସମ୍ମାନ କରନ୍ତି ଓ ଅତ୍ୟଧିକ ସମର୍ଥନ ବି କରନ୍ତି। କାଳୀ ମାଆଙ୍କ ଫଟୋକୁ ପୂର୍ବରୁ ହଟାଇ ଦିଆଯାଇଛି। ଆପଣଙ୍କ ସମ୍ମାନ ଓ ମିତ୍ରତାର ଭାବନାରେ ସଂଯୋଗକୁ ଆମେ ଆଗକୁ ବଢାଇବାକୁ ଦୃଢ ସଂକଳ୍ପିତ।
We regret @DefenceU depicting #Hindu goddess #Kali in distorted manner. #Ukraine &its people respect unique #Indian culture&highly appreciate🇮🇳support.The depiction has already been removed.🇺🇦is determined to further increase cooperation in spirit of mutual respect&💪friendship.
— Emine Dzheppar (@EmineDzheppar) May 1, 2023
