ନୂଆଦିଲ୍ଲୀ,୩।୩: ଯୁଦ୍ଧ ଦ୍ୱାରା ପ୍ରଭାବିତ ୟୁକ୍ରେନର କିଛି ନୂଆ ସାଟେଲାଇଟ୍ ଫଟୋ ସାମ୍ନାକୁ ଆସିଛି। ଅତ୍ୟାବଶ୍ୟକ ସାମଗ୍ରୀ ଦୋକାନ ଆଗରେ ଲୋକଙ୍କ ଲମ୍ବା ଧାଡ଼ି ଓ ଜଳୁଥିବା ବିଲ୍ଡିଂ ଦେଖିବାକୁ ମିଳୁଛି।
ରାଜଧାନୀ କ୍ୱିଭ ଏବଂ ଚେରନିହିବର ସୁପରମାର୍କେଟ୍ସରେ ଖାଦ୍ୟ ପାଇଁ ଲୋକଙ୍କ ଲମ୍ବା ଲାଇନ୍ ଲାଗିଛି। ଏହି ଧାଡ଼ି ଏତେ ଲମ୍ବା ଯେ, ମହାକାଶରୁ ମଧ୍ୟ ଦେଖି ହେଉଛି। ସେହିଭଳି ପଡ଼ୋଶୀ ହଙ୍ଗେରୀ, ସ୍ଲୋଭାକିଆ ଏବଂ ରୋମାନିଆ ସୀମାର କ୍ରସିଂ ପଏଣ୍ଟସରେ ଲମ୍ବା ଧାଡ଼ିରେ କାର ଛିଡ଼ା ହୋଇଥିବା ଫଟୋରେ ଦେଖିବାକୁ ମିଳୁଛି।
ୟୁକ୍ରେନର ଖେରସନ ସହର ରୁଷିଆ ସେନା ନିୟନ୍ତ୍ରଣକୁ ଚାଲି ଯାଇଥିବା ସ୍ଥାନୀୟ ଅଧିକାରୀ ସ୍ପଷ୍ଟ କରିଛନ୍ତି। ଗତ ସପ୍ତାହରେ ମସ୍କୋର ସାମରିକ ଆକ୍ରମଣ ଆରମ୍ଭ କରିବା ପରେ ପ୍ରଥମ ପ୍ରମୁଖ ସହରାଞ୍ଚଳକୁ ଦଖଲକୁ ନେଇଛି।
