କ୍ୱିଭ,୨୩ ।୪: ରୁଷିଆ-ୟୁକ୍ରେନ୍ ଯୁଦ୍ଧର ପ୍ରତିଟି ଛବି ଯେମିତି ବଖାଣୁଛି ଯୁଦ୍ଧର ବିଭିଷିକା କଥା । ବେଳକୁ ବେଳ ଏଠାରେ ସ୍ଥିତି ଖରାପ ହେଉଥିବା ବେଳେ ୟୁକ୍ରେନ ଏକ ପ୍ରକାର ଧ୍ୱଂସ ସ୍ତୁପରେ ପରିଣତ ହେଲାଣି । ଏହାରି ଭିତରେ ସାମ୍ନାକୁ ଆସିଥିବା କିଛି କବର ସ୍ଥାନର ଚିତ୍ର ସାରା ବିଶ୍ୱବାସୀଙ୍କ ହୃଦୟକୁ ଦୋହଲାଇ ଦେଇଛି । ମେରିଉପୋଲର ମେୟର କେ ସଲାହାକାର ପେଟ୍ରୋ କହିଛନ୍ତି ରୁଷିଆ ସେନା ସହରର ପଶ୍ଚିମରେ ଥିବା ଅଞ୍ଚଳ ‘ମାନହୁଶ’ରେ ୧୦୦ ଫୁଟ ଲମ୍ବାର କିଛି ସାମୁହିକ କବର ଖୋଳିଛନ୍ତି । କୁହାଯାଉଛି କି ଏହି କବର ସ୍ଥାନ ନିକଟକୁ ମୃତଦେହ ଗୁଡିକ ଟ୍ରକରେ ଆଣି ସିଧା ଡମ୍ପ କରାଯାଇଛି । ପେଟ୍ରୋ ଏହାକୁ ଯୁଦ୍ଧ ଅପରାଧର ସ୍ପଷ୍ଟ ଚିତ୍ର ବୋଲି କହିଛନ୍ତି । ଏହାସହ ଏହାକୁ ଲୁଚାଇବାକୁ ଚେଷ୍ଟା ବି କରାଯାଇଥିବା କହିଛନ୍ତି ମେରିଉପୋଲର ମେୟର । ୟୁକ୍ରେନ୍ ଅଧିକାରୀ ଦାବି କରିଛନ୍ତି କି ମାରିଉପୋଲରେ ରୁଷିଆ ସେନାଙ୍କ ଦ୍ୱାରା ବୋମାମାଡରେ ସଡ଼କ ଉପରେ ୨୦ ହଜାର ଲୋକଙ୍କ ଜୀବନ ଯାଇଛି । ଏମାନଙ୍କ ମଧ୍ୟରେ ଶିଶୁ, ମହିଳା ଓ ବରିଷ୍ଠ ନାଗରିକ ସାମିଲ ଅଛନ୍ତି । ଏବେ ଏହି ମୃତଦେହ ଗୁଡିକ ଲୁଚାଇ ଦିଆଯାଇଥିବା ସେ କହିଛନ୍ତି ।
