କ୍ୱିଭ୍,୪ା୬: ୟୁକ୍ରେନ-ରୁଷିଆ ଯୁଦ୍ଧ ହେବାର ତିନି ମାସରୁ ଅଧିକ ହୋଇଥିଲେ ମଧ୍ୟ ଥମିବାର ନାଁ ନେଉନି। ପୂର୍ବ ୟୁକ୍ରେନ ସହରଗୁଡ଼ିକରେ ରୁଷିଆ ଏବଂ ୟୁକ୍ରେନର ସୈନ୍ୟବାହିନୀ ମଧ୍ୟରେ ଭୟଙ୍କର ଯୁଦ୍ଧ ଆରମ୍ଭ ହୋଇଛି। ୟୁକ୍ରେନ ସୈନ୍ୟମାନେ ଡୋନାବାସର ବୃହତ୍ତମ ତଥା ଗୁରୁତ୍ୱପୂର୍ଣ୍ଣ ସହର ସାଇରୋଡୋନଟସ୍କରେ ରୁଷିଆର ସୈନ୍ୟ ପ୍ରବେଶ କରୁଥିବା ଖବର ଦେଇଥିଲେ। ଶନିବାର ଯୁଦ୍ଧ ସମୟରେ, ୟୁକ୍ରେନ ପୂର୍ବ ଡୋନାବାସ ଅଞ୍ଚଳକୁ ନେବା ପାଇଁ ରୁଷିଆ ଆକ୍ରମଣ ଦ୍ୱାରା ଦଖଲ ହୋଇଥିବା ସାଇରୋଡୋନଟସ୍କ ସହରର ଏକ ଅଂଶକୁ ଫେରାଇ ନେଇଥିଲା। ଲୁହାନସ୍କର ପୂର୍ବ ଅଞ୍ଚଳର ମୁଖ୍ୟ କହିଛନ୍ତି, ରୁଷିଆ ସହିତ ୟୁକ୍ରେନ ପ୍ରାଣମୂର୍ଚ୍ଛା ଲଢ଼େଇ କରି ସାଇରୋଡୋନଟସ୍କ ସହରରେ ଅଧିକୃତ ଅଞ୍ଚଳର ୨୦ ପ୍ରତିଶତ ଫେରାଇ ନେଇଛି।
