ମସ୍କୋ,୩୧ା୫: ୟୁକ୍ରେନ୍ ନୌସେନାର ଶେଷ ଯୁଦ୍ଧଜାହାଜ ୟୁରି ଓଲେଫାୟାରେଙ୍କୋକୁ ରୁଷିଆ ଧ୍ୱସ୍ତ କରିଦେଇଥିବା ଦାବି କରିଛି। ଗତ ୨୯ରେ ଓଡେସାର ଦକ୍ଷିଣ ଭାଗରେ ଏହି ଯୁଦ୍ଧଜାହାଜ ଥିବାବେଳେ ରୁଷୀୟ ବାୟୁସେନା ଏହାକୁ ଟାର୍ଗେଟ କରି କ୍ଷେପଣାସ୍ତ୍ର ମାଡ଼ କରିଥିଲା ବୋଲି ରୁଷିଆ ପ୍ରତିରକ୍ଷା ମନ୍ତ୍ରଣାଳୟ ମୁଖପାତ୍ର ଆଇଗୋର କୋନାଶେଙ୍କୋଭ୍ ସୂଚନା ଦେଇଛନ୍ତି।
ତେବେ ୟୁକ୍ରେନୀୟ ନୌସେନା ମୁଖପାତ୍ର ଓଲେହ ଚାଲିକ୍ ଏହା ଉପରେ କୌଣସି ମନ୍ତବ୍ୟ ଦେବାକୁ ମନା କରିଦେଇଛନ୍ତି। ଇତିମଧ୍ୟରେ ରୁଷିଆରେ ଥିବା ଜର୍ମାନୀର ୫ କନ୍ସୁଲେଟ୍ ମଧ୍ୟରୁ ୪ଟିକୁ ବନ୍ଦ କରିବା ପାଇଁ ବର୍ଲିନ୍ ନିର୍ଦ୍ଦେଶ ଦେଇଛି।