କ୍ୱିଭ୍,୧୮।୩: ୟୁକ୍ରେନର ରାଜଧାନୀ କ୍ୱିଭ୍ର ଏକ ଆବାସିକ କୋଠା ଉପରେ ରୁଷିଅରେ ରକେଟ ଆକ୍ରମଣରେ ୟୁକ୍ରେନ ଅଭିନେତ୍ରୀ ଓକ୍ସାନା ଶଭେଟ୍ସଙ୍କ ମୃତ୍ୟୁ ଘଟିଛି। ଓକ୍ସାନାଙ୍କ ମୃତ୍ୟୁକୁ ନିଶ୍ଚିତ କରି ତାଙ୍କ ଟ୍ରୁପ ୟଙ୍ଗ ଥିଏଟର ଏକ ବିବୃତ୍ତି ଜାରି କରିଛି। ବିବୃତ୍ତିରେ କୁହାଯାଇଛି ଯେ,ୟୁକ୍ରେନ୍ ଜଣେ ବର୍ଷୀୟାନ୍ କଳାକାର ଓକ୍ସାନା କ୍ୱିଭ୍ର ଏକ ଆବାସିକ କୋଠା ଉପରେ ରକେଟ ଆକ୍ରମଣରେ ପ୍ରାଣ ହରାଇଛନ୍ତି। ଅକ୍ସାନାଙ୍କୁ ୬୭ ବର୍ଷ ବୟସ ହୋଇଥିଲା। ତାଙ୍କୁ ୟୁକ୍ରେନର ସର୍ବୋଚ୍ଚ କଳା ସମ୍ମାନରେ ମଧ୍ୟ ସମ୍ମାନୀତ କରାଯାଇଥିଲା।
ସୂଚନାଯୋଗ୍ୟ, ଲଗାତର ୨୨ ଦିନ ହେବ ରୁଷିୟା ଏବଂ ୟୁକ୍ରେନ ମଧ୍ୟରେ ଯୁଦ୍ଧ ଲାଗିରହିଛି। କ୍ୱିଭ୍କୁ ଦଖଲ କରିବା ପାଇଁ ରୁଷିଆ ସେନା ଉଦ୍ୟମ କରୁଥିବାବେଳେ ୟୁକ୍ରେନ ସେନା ଲଢେଇ ଜାରି ରଖିଛି।