କ୍ୱିଭ,୨୪ ।୫: ରୁଷିଆ-ୟୁକ୍ରେନ୍ ଯୁଦ୍ଧକୁ ୩ ମାସ ହୋଇ ଗଲାଣି । ହେଲେ ଏପର୍ଯ୍ୟନ୍ତ କେହି ମୁଣ୍ଡ ନୁଆଁଇଁବାକୁ ରାଜି ନୁହଁନ୍ତି । ଇତିମଧ୍ୟରେ ୟୁକ୍ରେନ୍ ରାଷ୍ଟ୍ରପତି ଭୋଲୋଡେମିର ଜେଲନସ୍କି କହିଛନ୍ତି ରାଷ୍ଟ୍ରପତି ଭ୍ଲାଦିମିର ପୁଟିନ ରୁଷିଆର ଏକମାତ୍ର ବ୍ୟକ୍ତି ଯିଏକି ଯୁଦ୍ଧ ଶେଷ କରିବାକୁ ନେଇ ଚର୍ଚ୍ଚା ପାଇଁ ରାଜିଥିଲେ । ଜେଲନସ୍କି ଦାୱସରେ ୱାର୍ଲଡ ଇକୋନମିକ ଫୋରମରେ ଭିଡିଓ କନଫରେନ୍ସ ମାଧ୍ୟମରେ ସମ୍ବୋଧନ ଦେବା ଅବସରରେ କହିଛନ୍ତି ରୁଷିଆ ସହ କିଛି ବି କଥା ହେବା କଠିନ ହୋଇଗଲାଣି । ଯୁଦ୍ଧରେ ସାଧାରଣ ନାଗରିକଙ୍କ ଉପରେ ବି ଆକ୍ରମଣ କରାଯାଉଛି । ହେଲେ ରୁଷିଆ ସାଧାରଣ ନାଗରିକଙ୍କୁ ଆକ୍ରମଣ କରୁ ନ ଥିବା କହିଛି । ଜେଲେନସ୍କି କହିଛନ୍ତି ରୁଷିଆ ସେନା ଦ୍ୱାରା କବଜା କରାଯାଇଥିବା ଅଞ୍ଚଳରେ ସାମୁହିକ ହତ୍ୟା ଯୋଗୁ କଥାକାର୍ତ୍ତା ହେବା ବି କଠିନ ହୋଇଗଲାଣି । ଜେଲେନସ୍କି ଆହୁରି ମଧ୍ୟ କହିଛନ୍ତି ପୁଟିନଙ୍କ ବ୍ୟତୀତ ରୁଷିଆ ସଂଘର କୌଣସି ବ୍ୟକ୍ତିଙ୍କ ସହ କଥା ହେବାର କୌଣସି ସୁଫଳ ନାହିଁ ।