ନୂଆଦିଲ୍ଲୀ, ୨୭।୯: ଭାଜପା ସଦସ୍ୟା ଉମା ଭାରତୀଙ୍କ ନମୁନା ପରୀକ୍ଷା ରିପୋର୍ଟ କରୋନା ପଜିଟିଭ୍ ଆସିଛି। ଏନେଇ ରବିବାର ଉମା ଟୁଇଟ୍ କରି ସୂଚନା ଦେଇଛନ୍ତି। ତାଙ୍କ ସହିତ ମିଳାମିଶା କରିଥିବା ବ୍ୟକ୍ତିମାନେ ନମୁନା ପରୀକ୍ଷା କରାଇବାକୁ ସେ ପରାମର୍ଶ ଦେବା ସହିତ ନିଜକୁ କ୍ୱାରାଣ୍ଟାଇନ୍ରେ ରଖିଥିବା କହିଛନ୍ତି। ତାଙ୍କଠାରେ କରୋନା ଲକ୍ଷଣ ପ୍ରକାଶ ପାଇବା ପରେ ସେ ପ୍ରଶାସନିକ ଟିମ୍କୁ ଫୋନ୍ କରି ଡକାଇ ନିଜର ନମୁନା ପରୀକ୍ଷା କରିଥିଲେ। ଗତ ୩ ଦିନ ଧରି ତାଙ୍କୁ ଜ୍ୱର ହୋଇଥିବା ଉମା ସୂଚନା ଦେଇଛନ୍ତି। ଉମା ନିଜକୁ ହରିଦ୍ୱାରା କିମ୍ବା ଋଷିକେଶରେ କ୍ୱାରାଣ୍ଟାଇନ୍ ରଖିଥିବା କୁହାଯାଉଛି। ସୂଚନାଯୋଗ୍ୟ, ବାବ୍ରି ମସଜିଦ୍ ଭଙ୍ଗା ମାମଲାରେ ସ୍ବତନ୍ତ୍ର ସିବିଆଇ କୋର୍ଟ ପକ୍ଷରୁ ସେପ୍ଟେମ୍ବର ୩୦ରେ ହାଜର ପାଇଁ ଉମାଙ୍କୁ ନୋଟିସ୍ ଜାରି କରାଯାଇଥିଲା। କିନ୍ତୁ ଏବେ ଉମା କ୍ୱାରାଣ୍ଟାଇନ୍ରେ ଥିବାରୁ କୋର୍ଟରେ ସେ ହାଜର ନ ହେବାର ଆଶଙ୍କା ରହିଛି।
