ମାଲକାନଗିରି,୩୧ା୫(ଡି.ଏନ୍.ଏ.): ଯୁକ୍ତ ଦୁଇ ବିଜ୍ଞାନ ପରୀକ୍ଷା ଫଳ ବୁଧବାର ପ୍ରକାଶ ପାଇଛି। ଏଥିରେ ମାଲକାନଗିରି ସଦରମହକୁମାର ତିନୋଟି ଆବାସିକ ବିଦ୍ୟାଳୟର ଫଳାଫଳ ଶତ ପ୍ରତିଶତ ହୋଇଛି। ସେହିପରି ସରକାରୀ ବିଜ୍ଞାନ ମହାବିଦ୍ୟାଳୟରେ ମଧ୍ୟ ମୋଟ୍ ୧୬୦ ଜଣ ପରୀକ୍ଷା ଦେଇଥିବା ବେଳେ ସେଥିମଧ୍ୟରୁ ୬୯ ଜଣ ପାସ୍ କରିଛନ୍ତି। ଉମେଶ କୁମାର ପାଣିଗ୍ରାହୀ ୫୨୨ ମାର୍କ (୮୭ ପ୍ରତିଶତ) ରଖି ଜିଲା ଟପ୍ପର ହୋଇଛନ୍ତି। ଘଡ଼ାଇ ଆବାସିକ ବିଜ୍ଞାନ ମହାବିଦ୍ୟାଳୟରେ ମୋଟ୍ ୧୯୯ ଜଣ ପରୀକ୍ଷା ଦେଇଥିବା ବେଳେ ସମସ୍ତେ ପାସ୍ ହୋଇଛନ୍ତି। ସେଥିମଧ୍ୟରୁ ୧୨୬ ଜଣ ପ୍ରଥମ, ୬୦ ଜଣ ଦ୍ୱିତୀୟ, ୧୩ ଜଣ ତୃତୀୟ ସ୍ଥାନରେ ପାସ୍ ହୋଇଛନ୍ତି। ତେବେ ୧୨୬ ଜଣ ପ୍ରଥମ ସ୍ଥାନ ହାସଲ କରିଥିବା ବେଳେ ୧୧ ଜଣ ପିଲା ୮୦ ପ୍ରତିଶତରୁ ଅଧିକ ମାର୍କ ରଖିଛନ୍ତି।
ଘଡ଼ାଇ ବିଜ୍ଞାନ ମହାବିଦ୍ୟାଳୟର ସୁଭଶ୍ରୀ ପାଲ୍ ୫୧୪ ମାର୍କ ରଖି ୮୫.୬ ପ୍ରତିଶତରେ ଟପ୍ପର ହୋଇଛନ୍ତି। ସେହିପରି ଓଁ ଭୂର୍ଭୁବ ସ୍ବଃ ମହାବିଦ୍ୟାଳୟର ମୋଟ୍ ୫୫ ଛାତ୍ରୀଛାତ୍ର ପରୀକ୍ଷା ଦେଇଥିବା ବେଳେ ଉକ୍ତ ବିଦ୍ୟାଳୟରେ ମଧ୍ୟ ଶତ ପ୍ରତିଶତ ପାସ୍ ହୋଇଛନ୍ତି। ସେମାନଙ୍କ ମଧ୍ୟରୁ ୨୫ ଜଣ ପ୍ରଥମ ସ୍ଥାନ, ୨୨ ଜଣ ଦ୍ୱିତୀୟ ସ୍ଥାନ ଓ ୮ ଜଣ ତୃତୀୟ ସ୍ଥାନରେ ପାସ୍ ହୋଇଛନ୍ତି। ୨ ଜଣ ୮୦ ପ୍ରତିଶତରୁ ଅଧିକ ମାର୍କ ରଖିଛନ୍ତି। ଏହି ମହାବିଦ୍ୟାଳୟର ଭାନୁପ୍ରସାଦ ପାତ୍ର ୫୧୮ ମାର୍କ ସହ ୮୬.୩ ପ୍ରତିଶତ ନମ୍ବର ରଖି ମହାବିଦ୍ୟାଳୟରେ ଟପ୍ପର ହୋଇଛନ୍ତି। ସେହିପରି ସତ୍ୟନାରାୟଣ ମହାବିଦ୍ୟାଳୟରେ ମୋଟ୍ ୧୦୮ ଜଣ ପରୀକ୍ଷା ଦେଇଥିବା ବେଳେ ଏହି ମହାବିଦ୍ୟାଳୟରେ ମଧ୍ୟ ଶତ ପ୍ରତିଶତ ପାସ୍ ହୋଇଛନ୍ତି। ସେଥିମଧ୍ୟରୁ ୪୯ ଜଣ ପ୍ରଥମ, ୫୧ ଜଣ ଦ୍ୱିତୀୟ ଓ ୮ ଜଣ ତୃତୀୟ ସ୍ଥାନରେ ପାସ୍ ହୋଇଛନ୍ତି। ଏହି ମହାବିଦ୍ୟାଳୟର ଆଲୋକ ପଦ୍ଦାର ୮୧.୬୬ ପ୍ରତିଶତ ୪୯୦ ମାର୍କ ରଖି ମହାବିଦ୍ୟାଳୟରେ ଟପ୍ପର ହୋଇଛନ୍ତି। ସେହିପରି କାଲିମେଳା ସତ୍ୟନାରାୟଣ ମହାବିଦ୍ୟାଳୟର ମୋଟ୍ ୨୮ ଜଣ ପରୀକ୍ଷା ଦେଇଥିବା ବେଳେ ଏହି ମହାବିଦ୍ୟାଳୟରେ ମଧ୍ୟ ଶତ ପ୍ରତିଶତ ପାସ୍ ହୋଇଛନ୍ତି। ସେଥିମଧ୍ୟରୁ ବାବୁଲୁ ମଣ୍ଡଳ ୪୯୩ ମାର୍କ ରଖି ମହାବିଦ୍ୟାଳୟରେ ଟପ୍ପର ହୋଇଛନ୍ତି। ଏହି ମହାବିଦ୍ୟାଳୟରେ ୯ ଜଣ ପ୍ରଥମ ସ୍ଥାନ, ୧୨ ଜଣ ଦ୍ୱିତୀୟ ସ୍ଥାନ ଓ ୭ ଜଣ ତୃତୀୟ ସ୍ଥାନରେ ପାସ୍ କରିଛନ୍ତି।