ନୂଆଦିଲ୍ଲୀ,୧।୧: ନୂଆବର୍ଷରେ ଦ୍ରୁତ ବୋଲର ଉମେଶ ଯାଦବଙ୍କ ଘରକୁ ଆସିଛି ନୂଆ ଅତିଥି। ଯାଦବଙ୍କ ପତ୍ନୀ ଶୁକ୍ରବାର ଏକ କନ୍ୟା ସନ୍ତାନକୁ ଜନ୍ମ ଦେଇଛନ୍ତି। ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ(ବିସିସିଆଇ) ପକ୍ଷରୁ ଟୁଇଟ୍ କରି ଏହି ସୂଚନା ଦିଆଯାଇଛି। ଯାଦବଙ୍କ ଏକ ବେବି ଗର୍ଲ ଜନ୍ମ ନେଇଛି। ଏଥିପାଇଁ ତାଙ୍କୁ ଶୁଭକାମନା। ଆଶା କରୁଛି ଯାଦବ ଶୀଘ୍ର ସୁସ୍ଥ ହୋଇ ପଡ଼ିଆକୁ ଫେରିବେ ବୋଲି ବିସିସିଆଇ କହିଛି।
Congratulations to @y_umesh on the birth of a baby girl today.
We also wish him a speedy recovery and hope to see him soon on the field 😊😊 pic.twitter.com/utpMVM6wUI
— BCCI (@BCCI) January 1, 2021
ପ୍ରକାଶ ଯେ, ଆହତ ସମସ୍ୟା ଯୋଗୁ ଅଷ୍ଟ୍ରେଲିଆ ବିପକ୍ଷ ତୃତୀୟ ଟେଷ୍ଟରେ ଭାରତୀୟ ଦଳରେ ପରିବର୍ତ୍ତନସ୍ବରୂପ ଯାଦବଙ୍କ ସ୍ଥାନରେ ଟି ନଟରାଜନଙ୍କୁ ସୁଯୋଗ ମିଳିଛି। ବକ୍ସିଂ ଡେ ଟେଷ୍ଟ ପୂର୍ବରୁ ଶାର୍ଦ୍ଦୁଳ ଠାକୁରଙ୍କୁ ମହମ୍ମଦ ଶାମୀଙ୍କ ବିକଳ୍ପ ଭାବେ ଚୟନ କରାଯାଇଥିଲା। ଏବେ ଶାମି ଏବଂ ଯାଦବ ଉଭୟ ବାଙ୍ଗାଲୋରର ରାଷ୍ଟ୍ରୀୟ କ୍ରିକେଟ ଏକାଡେମୀରେ ଅଭ୍ୟାସ କରିବେ।
