ନୂଆଦିଲ୍ଲୀ,୨୯।୪: ଦେଶରେ ଏବେ କରୋନା କାୟା ବିସ୍ତାର କରିଛି। ଏସବୁ ଭିତରେ ଆଇପିଏଲ ୨୦୨୧ ଟୁର୍ନାମେଣ୍ଟ ଜାରି ରହିଛି। କରୋନା ଯୋଗୁ ଟୁର୍ନାମେଣ୍ଟ ମଝିରେ କିଛି ଖେଳାଳି ଏବଂ ଅଧିକାରୀ ନିଜ ନାଁ ପ୍ରତ୍ୟାହାର ଜାରି କରିନେଉଛନ୍ତି। ନିକଟରେ ଅଷ୍ଟ୍ରେଲିଆର ତିନି ଖେଳାଳି କରୋନା ଭୟରେ ଆଇପିଏଲ୍ ଛାଡି ସ୍ବଦେଶ ଫେରିବାକୁ ନିଷ୍ପତ୍ତି ନେଇଥିଲେ। ଏବେ ଏଲିଟି ପ୍ୟାନେଲର ଦୁଇଜଣ ଅମ୍ପାୟାର ନିତିନ ମେନନ ଏବଂ ପଲ ରାଇଫଲ ବ୍ୟକ୍ତିଗତ କାରଣରୁ ଆଇପିଏଲ୍ ଛାଡିବାକୁ ନିଷ୍ପତ୍ତି ନେଇଛନ୍ତି। ୯ ଏପ୍ରିଲରୁ ଆରମ୍ଭ ହୋଇଥିବା ଏହି ଆଇପିଏଲ ସିଜିନ ମେ ୩୦ ପର୍ଯ୍ୟନ୍ତ ଚାଲିବ।
ନିତିନ ମେନନ ଇନ୍ଦୋରରେ ଥିବା ତାଙ୍କ ଘରକୁ ଯାଇଛନ୍ତି। ତାଙ୍କ ମା ଏବଂ ସ୍ତ୍ରୀ କରୋନା ସଂକ୍ରମିତ ହୋଇଛନ୍ତି। ଅନ୍ୟପକ୍ଷରେ ଅଷ୍ଟ୍ରେଲିଆ ସରକାର କିଛି ଦିନ ପୂର୍ବରୁ ଭାରତକୁ ବିମାନ ଚଳାଚଳ ବନ୍ଦ କରିବା ନେଇ ଚିନ୍ତା ପ୍ରକଟ କରି ପାଲ ରାଇଫଲ ଘରକୁ ଯିବାକୁ ନିଷ୍ପତ୍ତି ନେଇଛନ୍ତି। ନିକଟରେ ଅଷ୍ଟ୍ରେଲିଆର ଆଦାମ ଜାମ୍ପା, କେନ ରିଚାର୍ଡସନ ଏବଂ ଆଣ୍ଡ୍ରିୟୁ ଟାଇ ଅଷ୍ଟ୍ରେଲିଆ ଯିବାକୁ ନିଷ୍ପତ୍ତି ନେଇଥିଲେ। କେବଳ ଏତିକି ନୁହେଁ, ଭାରତୀୟ ଅଫ ସ୍ପିନର ଆର ଅଶ୍ୱିନ ମଧ୍ୟ ତାଙ୍କ ପରିବାର ସହିତ ସମୟ ବିତାଇବା ପାଇଁ ଟି-୨୦ ଲିଗରୁ ଓହରି ଯାଇଛନ୍ତି।