ମୁମ୍ବାଇ,୧୭।୪: ପଞ୍ଜାବ କିଙ୍ଗ୍ସ ବିପକ୍ଷରେ ସନରାଇଜର୍ସ ହାଇଦ୍ରାବାଦ ଦ୍ରୁତ ବୋଲର ଉମରାନ୍ ମଲିକ ଚମତ୍କାର ବୋଲିଂ କରିଥିଲେ। ସେ ଆଇପିଏଲରେ ଇତିହାସ ସୃଷ୍ଟି କରିଛନ୍ତି। ଆଇପିଏଲ ଇତିହାସରେ ସେ ଏକମାତ୍ର ବୋଲର, ଯିଏକି ମ୍ୟାଚର ପ୍ରଥମ ଇନିଂସର ୨୦ତମ ଓଭର ମେଡେନ୍ ପକାଇଛନ୍ତି। ତାଙ୍କ ବ୍ୟତୀତ ଅନ୍ୟ କୌଣସି ବୋଲର୍ ଏହି ସଫଳତା ହାସଲ କରିବାକୁ ସକ୍ଷମ ହୋଇନାହାଁନ୍ତି।
ଆଇପିଏଲରେ ୨୦ତମ ଓଭର ମେଡେନ୍ ଫିଙ୍ଗିବାର ରେକର୍ଡ ପୂର୍ବରୁ ଇରଫାନ ପଠାନ ଏବଂ ଜୟଦେବ ଉନାକତଙ୍କ ଦ୍ୱାରା ହୋଇଥିଲା। କିନ୍ତୁ ସେମାନେ ମ୍ୟାଚର ଦ୍ୱିତୀୟ ଇନିଂସର ଶେଷ ଓଭର ବୋଲିଂ କରିଥିଲେ, କିନ୍ତୁ ଉମରାନ୍ ମେଡେନ ଓଭର୍ ପ୍ରଥମ ଇନିଂସ ବୋଲିଂ କରିଥିଲେ। କେବଳ ଏତିକି ନୁହେଁ, ମୋଟ ୪ଟି ଉଇକେଟ ଏହି ଓଭରରେ ପଡ଼ିଥିଲା। ସେଥିମଧ୍ୟରୁ ୩ଟି ଉଇକେଟ ଉମରାନ୍ ନେଇଥିବାବେଳେ ଗୋଟିଏ ଉଇକେଟ ରନ ଆଉଟ ଜରିଆରେ ହୋଇଥିଲା। ଏହି ମ୍ୟାଚ୍ରେ ଉମରାନ୍ ୪ ଓଭରରେ ୨୮ ରନ ଦେଇ ୪ ଉଇକେଟ ନେଇଥିଲେ।
