![](https://www.dharitri.com/wp-content/uploads/2023/08/rrq.jpg)
କର୍ଲାମୁଣ୍ଡା,୯ା୮(ପ୍ରଦୀପ କୁମାର ସାହୁ): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକରେ ଜଣେ ବ୍ୟକ୍ତି ବ୍ୟାଙ୍କ ଋଣ ନେଇ ପରିଶୋଧ ନ କରିବାରୁ ତାଙ୍କ ଘର ଜବତ ହେବା ଘଟଣା ଅଞ୍ଚଳରେ ଆଲୋଚନାର ବିଷୟ ପାଲଟିଛି।
ସୂଚନାନୁଯାୟୀ, କର୍ଲାମୁଣ୍ଡା ବ୍ଲକ ରେଙ୍ଗାଲି ଗ୍ରାମର ମନୋଜ କୁମାର ସାହୁ ଓ ତାଙ୍କ ପିତା ଗଣ୍ଡଦୀପ ସାହୁ ନାମକ ବ୍ୟକ୍ତି ମନୋଜ ଡେଲି ନିଡ୍ସ ନାଁରେ ଗତ ୧୪.୩.୨୦୧୫ରେ ୯ ଲକ୍ଷ ଟଙ୍କା ଋଣ ଓ ଗତ ୧୯.୮.୨୦୧୫ରେ ଗୃହ ଋଣ ବାବଦକୁ ୭ ଲକ୍ଷ ଟଙ୍କା କର୍ଲାମୁଣ୍ଡା ଭାରତୀୟ ଷ୍ଟେଟ୍ ବ୍ୟାଙ୍କଠାରୁ ଋଣ ନେଇ ପରିଶୋଧ କରୁ ନ ଥିଲେ। ଯାହା କି ବର୍ତ୍ତମାନ ସୁଦ୍ଧା ଦୁଇଟି ଋଣର ମୂଳ ସୁଧ ମିଶି ମୋଟ୍ ୩୦ ଲକ୍ଷ ୭୩ ହଜାର ୬୩ ଟଙ୍କା ହୋଇଥିବା ବ୍ୟାଙ୍କ ସୂତ୍ରରୁ ଜଣାପଡ଼ିଲା। ବ୍ୟାଙ୍କ ପକ୍ଷରୁ ବାରମ୍ବାର ନୋଟିସ ଓ ଜିଲାପାଳଙ୍କ ନୋଟିସ୍ ସତ୍ତ୍ୱେ ମନୋଜ ଋଣ ପରିଶୋଧ ନ କରିବାରୁ ମଙ୍ଗଳବାର ମାଜିଷ୍ଟ୍ରେଟ୍ ତଥା ତହସିଲଦାର ମିଳନ କୁମାର ଝାଙ୍କର, ପୋଲିସ ଏସ୍ଆଇ ବଂଶୀଧର ସାମଲ, ଏସ୍ବିଆଇ ଭବାନୀପାଟଣାର ଆଞ୍ଚଳିକ ବ୍ୟବସାୟିକ କାର୍ଯ୍ୟାଳୟ ଅଧିକାରୀ ବିପିନ ବିହାରୀ ଦଳପତି, ଋଣ ଆଦାୟକାରୀ ସଂସ୍ଥା ଏସ୍ବିଆଇ ରିଜୋଲ୍ୟୁସନରୁ ସମୀର ବେହେରା ପ୍ରମୁଖ ଉପସ୍ଥିତ ରହି ଘର ଜବତ କରିଛନ୍ତି।