ଚମ୍ପୁଆ,୧୮ା୮(ମହେଶ୍ୱର ଦାସ) : କେନ୍ଦୁଝର ଜିଲା ଚମ୍ପୁଆ ୟୁନାନି ଡାକ୍ତରଖାନା ଆଟେଣ୍ଡାଣ୍ଟଙ୍କ ଦ୍ୱାରା ପରିଚାଳିତ ହେଉଛି। ଡାକ୍ତରଖାନାରେ ୧୩ ବର୍ଷ ହେବ ବିଭାଗୀୟ ଡାକ୍ତର ନ ଥିବା ବେଳେ ନୂତନ ନିଯୁକ୍ତ ହୋଇନାହାନ୍ତି। ଏପରିକି ଜଣେ ଆୟୁର୍ବେଦିକ ଡାକ୍ତରଙ୍କୁ ଭାରପ୍ରାପ୍ତ ଦାୟିତ୍ୱ ଦିଆଯାଇଥିଲେ ମଧ୍ୟ ସେ ଆସୁନାହାନ୍ତି। ଫଳରେ ସ୍ଥାନୀୟ ଲୋକ ସେବାରୁ ବଞ୍ଚତ୍ତ ହେଉଛନ୍ତି।
ଅନୁସାରେ, ୧୯୯୨ରେ ଚମ୍ପୁଆଠାରେ ଏହି ଚିକିତ୍ସାଳୟ ସ୍ଥାପନ କରାଯାଇଥିଲା। ପରେ ୧୯୯୫ରେ ତତ୍କାଳୀନ ବିଧାୟକ ଧନୁର୍ଜୟ ଲାଗୁରିଙ୍କ ଦ୍ୱାରା ଚମ୍ପୁଆ ସଦର ମହକୁମାର ରେଖାବଣଠାରେ ସରକାରୀ ୟୁନାନି
ଚିକିତ୍ସାଳୟର ନୂତନ ଗୃହ ଉଦ୍ଘାଟନ କରାଯାଇଥିଲା। ଚିକିତ୍ସାଳୟ ଉପରେ ସ୍ଥାନୀୟ ଅଞ୍ଚଳ ସମେତ ଝାଡ଼ଖଣ୍ଡ ଓ ମୟୂରଭଞ୍ଜ ଅଞ୍ଚଳର ରୋଗୀମାନେ ନିର୍ଭରକରି ଆସୁଥିଲେ। ଏପରିକି ନିୟମିତ ୨୦ରୁ ଊର୍ଦ୍ଧ୍ୱ ରୋଗୀ ଚିକିତ୍ସାଳୟରେ ନିୟମିତ ବ୍ୟବଧାନରେ ଚିକିତ୍ସିତ ହେଉଥିଲେ। ୨୦୧୧ଠାରୁ ଏଠାକୁ କୌଣସି ନିୟମିତ ଡାକ୍ତର ଆସିନାହାନ୍ତି। ସରକାରଙ୍କ ପକ୍ଷରୁ ପୁରୁଷୋତ୍ତମପୁର ଆୟୁର୍ବେଦିକ ଚିକିସତ୍ାଳୟ ଡାକ୍ତର ହେମନ୍ତ ପାତ୍ରଙ୍କୁ ଏହାର ଅତିରିକ୍ତ ଦାୟିତ୍ୱ ପ୍ରଦାନ କରାଯାଇଛି। ମାତ୍ର ସେ ନିୟମିତ ଏଠାକୁ ଆସିପାରୁନାହାନ୍ତି। ଫଳରେ ରୋଗୀସେବା ବାଧାପ୍ରାପ୍ତ ହେଉଛି। ଏ ନେଇ ଉପରୋକ୍ତ ଡାକ୍ତରଙ୍କୁ ପଚାରିବାରୁ କହିଛନ୍ତି, ତାଙ୍କୁ ୩ ସ୍ଥାନର ଦାୟିତ୍ୱ ଦିଆଯାଇଛି। ଏଥିସହ ୟୁନାନି ଔଷଧଗୁଡ଼ିକ ଆରବିକ ଭାଷାରେ ଲେଖା ହୋଇଥିବା ବେଳେ ତାହା ଆମ୍ଭେ ବୁଝିପାରୁନାହୁ। ଯଦି ସରକାର ଡିଏମ୍ଏଫ୍ ଫଣ୍ଡରୁ ୟୁନାନି ଡାକ୍ତର ଯୋଗାଇ ଦିଅନ୍ତି ତେବେ ରୋଗୀ ସେବା ପୂର୍ବ ଭଳି ଚାଲିପାରିବ।