ଢେଙ୍କାନାଳ ଅଫିସ,୧୪।୬
(ରତନ ନାୟାର)
ଗଣପର୍ବ ରଜ ଉପଲକ୍ଷେ ଲୁଗାପଟା କିଣିବା ଲାଗି ଜନସାଧାରଣଙ୍କ ମଧ୍ୟରେ ବିପୁଳ ଉତ୍ସାହ ଦେଖିବାକୁ ମିଳିଛି। ଏହାକୁ ନେଇ ଢେଙ୍କାନାଳର ପ୍ରମୁଖ ବଜାରରେ ମଙ୍ଗଳବାର ବିଳମ୍ବିତ ସନ୍ଧ୍ୟାରେ ଅସମ୍ଭାଳ ଭିଡ଼ ଜମିଥିବାବେଳେ ଟ୍ରାଫିକ୍ ଜାମ୍ ହୋଇଥିଲା।
ରଜରେ ନୂଆ ପୋଷାକ, ଅନ୍ୟାନ୍ୟ ସାମଗ୍ରୀ କିଣାଯିବା ପରମ୍ପରା ରହିଛି। ଏହାକୁ ନେଇ ଢେଙ୍କାନାଳ ସହରବାସୀ ସକାଳୁ ଦୋକାନମୁହଁା ହୋଇଥିଲେ। ଫଳରେ ବିଳମ୍ବିତ ସନ୍ଧ୍ୟାରେ ଟ୍ରାଫିକ୍ ଜାମ୍ ହୋଇଯାଇଥିଲା। ସହରର ପ୍ରମୁଖ ଜନଗହଳିପୂର୍ଣ୍ଣ ସ୍ଥାନରେ ଦୀର୍ଘ ସମୟ ଧରି ଯାନବାହନ ଅଟକି ରହିଥିଲା। ଟ୍ରାଫିକ୍ ପରିଚାଳନାରେ ଆବଶ୍ୟକ ସଂଖ୍ୟକ ପୋଲିସ କର୍ମଚାରୀ ନିୟୋଜିତ ହୋଇ ନ ଥିବାରୁ ସ୍ଥିତି ଅସମ୍ଭାଳ ହୋଇପଡ଼ିଥିଲା। ବିଶେଷ କରି ରାସ୍ତା ଉପରେ ଦୁଇଚକିଆ ଯାନବାହନ ପାର୍କିଂ କରାଯାଉଥିବାରୁ କିଛିଦିନ ହେଲା ଏଭଳି ସମସ୍ୟା ସୃଷ୍ଟି ହେଉଥିବା ସହରର ବୁଦ୍ଧିଜୀବୀ କହିଛନ୍ତି। ଏ ଦିଗରେ ପୋଲିସ ପ୍ରଶାସନ ଦୃଷ୍ଟି ଦେବାକୁ ସାଧାରଣରେ ଦାବି ହେଉଛି।