ଆବୁଧାବି,୧୦।୧୧: ଚଳିତ ଟି୨୦ ବିଶ୍ୱକପ୍ରେ ଇଂଲଣ୍ଡ ବିପକ୍ଷ ପ୍ରଥମ ସେମିଫାଇନାଲରେ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଛନ୍ତି ନ୍ୟୁଜିଲାଣ୍ଡ ଦଳର ଅଧିନାୟକ କେନ ଓ୍ବିଲିୟମସନ। ବ୍ୟାଟିଂ ପାଇଁ ପିଚ୍ ଭଲ। କିନ୍ତୁ କାକରକୁ ଦୃଷ୍ଟିରେ ରଖି ପ୍ରଥମେ ଫିଲ୍ଡିଂ ନିଷ୍ପତ୍ତି ନେଇଥିବା ଓ୍ବିଲିୟମସନ କହିଛନ୍ତି। ମ୍ୟାଚ୍ ପାଇଁ ନ୍ୟୁଜିଲାଣ୍ଡ ବିନା ପରିବର୍ତ୍ତନରେ ଓହ୍ଲାଇଛି। ଅନ୍ୟପକ୍ଷରେ ଆହତ ସମସ୍ୟା କାରଣରୁ ଫର୍ମରେ ଥିବା ଜାସନ ରୟଙ୍କୁ ଦଳରୁ ବାଦ୍ ଦେଇଛି ଇଂଲଣ୍ଡ। ତାଙ୍କ ବଦଳରେ ଜୋସ ବଟଲରଙ୍କ ସହ ଜନ୍ନି ବେଆରଷ୍ଟୋ ଓପନିଂ କରିବେ।