କୁକୁଡ଼ା ଫାର୍ମ ତଳେ ଅଣ୍ଡରଗ୍ରାଉଣ୍ଡ ଡିପୋ: ବିପୁଳ ପରିମାଣର ମଦ ଜବତ, ଜଣେ ଅଟକ
11:17 amMarch 29, 2021March 29, 2021 / 43

ଅନୁଗୋଳ ଅଫିସ, ୨୯।୩: ଅନୁଗୋଳ ଜିଲା ଜରାସିଂହା ଗ୍ରାମରେ ରବିବାର ସନ୍ଧ୍ୟାରେ ସ୍ପେଶାଲ ସ୍କାର୍ଡ ପୋଲିସ ଚଢ଼ାଉକରି ବିପୁଳ ପରିମାଣର ଦେଶୀ ଓ ବିଦେଶୀ ମଦ ଜବତ କରିଛି ।
ସୂଚନାନୁସାରେ, ଜରାସିଂହା ଗ୍ରାମର ଜିତେନ୍ଦ୍ର କୁମାର ସାହୁ ନାମକ ଜଣେ ବ୍ୟକ୍ତି ଚୋରା ମଦ କାରବାର କରୁଥିବା ଖବର ପାଇ ସ୍ପେଶାଲ ସ୍କ୍ବାର୍ଟ ଅଫିସର ଦୀନକୃଷ୍ଣ ମିଶ୍ରଙ୍କ ନେତୃତ୍ୱରେ ଏକ ଟିମ୍‌ ଚଢାଉ କରିଥିଲା । ଚଢ଼ାଉ ବେଳେ ଜିତେନ୍ଦ୍ର କରିଥିବା କୁକୁଡା ଫାର୍ମର ଅଣ୍ଡରଗ୍ରାଉଣ୍ଡରେ ଏକ ଘର ଭିତରେ ମଦ ଥିବା ଦେଖିବାକୁ ମିଳିଥିଲା। ଏହି ଘରୁ ପ୍ରାୟ ୨୦ ଲିଟର ଦେଶୀ ମଦ ଓ ୩୦୦ ଲିଟର ବିଦେଶୀ ମଦ ଜବତ କରାଯାଇଛି। ସ୍ପେଶାଲ ସ୍କ୍ବାର୍ଡ ପୋଲିସ ଜବତ ମଦକୁ ଅନୁଗୋଳ ସଦର ଥାନା ପୋଲିସକୁ ହସ୍ତାନ୍ତର କରିଥିବା ବେଳେ ମଦ ବିକ୍ରି କରୁଥିବା ଅଭିଯୋଗରେ ଜିତେନ୍ଦ୍ର ସାହୁକୁ ଅଟକ ରଖିଛି । ଅନେକ ଦିନ ହେଲା ଏହି ଚୋରା ମଦ କାରବାର ଚାଲିଆସୁଥିବା ବେଳେ ପୋଲିସ କିଭଳି ଜାଣି ପାରୁ ନ ଥିଲା ତାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି।