ମୁମ୍ବାଇ: ଅଭିନେତ୍ରୀ କାଜଲ ଅଗ୍ରଓ୍ବାଲ ନିକଟରେ ବ୍ୟବସାୟୀ ଗୌତମ କିଚଲୁଙ୍କୁ ବିବାହ କରିଛନ୍ତି। ଆଜିକାଲି କାଜଲ ସ୍ବାମୀ ଗୌତମଙ୍କ ସହ ମାଳଦ୍ୱୀପରେ ହନିମୁନ୍ କରୁଛନ୍ତି। ତେବେ ସୋସିଆଲ ମିଡିଆରେ ସେମାନଙ୍କର ହନିମୁନ୍ର ଫଟୋ ଭାଇରାଲ ହେଉଛି।
କାଜଲ କ୍ରମାଗତ ଭାବରେ ହନିମୁନ୍ର ଫଟୋ ନିଜ ଇନଷ୍ଟାଗ୍ରାମ ଆକାଉଣ୍ଟରେ ଶେୟାର କରୁଛନ୍ତି। ନିକଟରେ କାଜଲ ଇନ୍ଷ୍ଟାଗ୍ରାମରେ କିଛି ନୂଆ ଫଟୋ ଶେୟାର କରିଛନ୍ତି, ଯେଉଁଥିରେ ଏହି ନବ ବିବାହିତ ଦମ୍ପତି ଅଣ୍ଡର ଓ୍ବାଟର ରୋମାନ୍ସ କରୁଥିବା ଦେଖିବାକୁ ମିଳିଛି।
କାଜଲ ଶେୟାର କରିଥିବା ଫଟୋରେ ସେ ଏକ ନୀଳ ରଙ୍ଗର ବ୍ୟାକଲେସ୍ ଡ୍ରେସରେ ନଜର ଆସିଛନ୍ତି। ଏହି ଡ୍ରେସ୍ରେ କାଜଲ ବହୁତ ସୁନ୍ଦର ଦେଖାଯାଉଛନ୍ତି। ଗୌତମ ଏକ ସିମ୍ପଲ ଶର୍ଟ ଏବଂ ଜିନ୍ସରେ ନଜର ଆସିଛନ୍ତି। ଉଭୟ ପାଣି ତଳେ ଏକ କୋଠରିରେ ବସିଥିବାର ଦେଖିବାକୁ ମିଳିଛି। ସେମାନଙ୍କ ଚାରିପାଖରେ ବହୁତ ମାଛ ମଧ୍ୟ ଅଛନ୍ତି। ଉଭୟଙ୍କର ଏହି ରୋମାଣ୍ଟିକ ମୁହୂର୍ତ୍ତକୁ ଖୁବ୍ ପସନ୍ଦ କରିଛନ୍ତି ପ୍ରଶଂସକ।
ଅକ୍ଟୋବର ୩୦ରେ ଦୁହେଁ ବିବାହ ବନ୍ଧନରେ ବାନ୍ଧି ହୋଇଥିବା ବେଳେ ହନିମୁନ୍ ମନାଇବାକୁ ମାଳଦ୍ୱୀପ ଯାଇଛନ୍ତି।