ରସୁଲପୁର,୮।୮(ରଞ୍ଜିତ ରାଉତ): ରସୁଲପୁର ବ୍ଲକ ଅନ୍ତର୍ଗତ କୁଆଖିଆ ବଜାରର ହରପାର୍ବତୀ ମନ୍ଦିର ପ୍ରାଙ୍ଗଣରେ ଅଣନିଯୁକ୍ତିପ୍ରାପ୍ତ ପୁରୁଣା ସିଟି,ବିଇଡି ସଂଘ ପକ୍ଷରୁ ଏକ ବୈଠକ ଜିଲା ସଂଘର ସଭାପତି ପ୍ରଦୀପ୍ତ କୁମାର ପଣ୍ଡାଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି। ରାଜ୍ୟ ମହାସଂଘର ଆହ୍ବାନକ୍ରମେ ଆୟୋଜିତ ଏହି ବୈଠକରେ ସଂଘ ପକ୍ଷରୁ ବିଭିନ୍ନ ଦାବି ସଂପର୍କରେ ଆଲୋଚନା କରାଯାଇଥିଲା ା ଉକ୍ତ ବୈଠକରେ ରାଜ୍ୟ ସଭାପତି ଗୋପବନ୍ଧୁ ମୁଦୁଲି, ରାଜ୍ୟ ସାଧାରଣ ସମ୍ପାଦକ ତଥା ସଂଘର ମୁଖ୍ୟ ଉପଦେଷ୍ଟା ଗଗନ ବିହାରୀ ମିଶ୍ର ପ୍ରମୁଖ ଅତିଥି ଭାବରେ ଯୋଗଦେଇ ଅଣନିଯୁକ୍ତିପ୍ରାପ୍ତ ପୁରୁଣା ସିଟି/ବିଇଡି ମାନଙ୍କ ସମସ୍ୟାକୁ ରାଜ୍ୟ ସରକାର ସହହୃଦୟତାର ସହ ଗ୍ରହଣ କରିଛନ୍ତି। ସରକାରଙ୍କ ପକ୍ଷରୁ ଜୁଲାଇ ୨୪ରେ ସଂଘର ଦୀର୍ଘଦିନର ଦାବିକୁ ବିଚାରକୁ ନେଇ ଆଲୋଚନାକୁ ନିଆଯାଇଛି ବୋଲି ଅତିଥିମାନେ ସୂଚନା ଦେଇଥିଲେ ା ଏହି ଖବରକୁ ନେଇ ଦୀର୍ଘଦିନ ହେବ ଚାକିରୀରୁ ବଞ୍ଚତ୍ତ ହୋଇଥିବା ବେକାରୀ ତାଲିମପ୍ରାପ୍ତ ଯୁବତୀଯୁବକମାନଙ୍କ ମନରେ ଖୁସି ପ୍ରକାଶ ପାଇଛି ା ହେବା ସହ ସଂଘ ପକ୍ଷରୁ ସରକାରଙ୍କୁ କୃତଜ୍ଞତା ଜ୍ଞାପନ କରାଯାଇଥିଲା ା ଚଳିତ ମାସ ୧୧ତାରିଖ ସୁଧା ୧୯୯୦-୯୧ ଠାରୁ ୨୦୦୦-୦୧ ବର୍ଷ ମଧ୍ୟରେ ଚାକିରୀରୁ ବଂଚିତ ହୋଇଥିବା ସିଡି/ବିଇଡି ବ୍ୟକ୍ତିମାନଙ୍କର ବ୍ଲକୱାରି ତାଲିକା ପ୍ରସ୍ତୁତ କରି ସରକାରଙ୍କ ନିକଟରେ ଉପସ୍ଥାପନ କରିବାକୁ ନିର୍ଦ୍ଦେଶ ରହିଛି ା ଉକ୍ତ ନିର୍ଦ୍ଦେଶନାମାକୁ କାର୍ଯ୍ୟକାରୀ କରିବାକୁ ବ୍ଲକ ସଂଘର କାର୍ଯ୍ୟକର୍ତ୍ତାମାନଙ୍କୁ ପରାମର୍ଶ ଦିଆଯାଇଛି ା ଏହି କ୍ରମରେ ଚଳିତମାସ ୯ତାରିଖ ସୁଧା ବ୍ଲକ ସଂଘ ପକ୍ଷରୁ ରାଜ୍ୟ ସଂଘ ନିକଟରେ ଦାଖଲ କରିବାକୁ ବୈଠକରେ ଆଲୋଚନା ଜରିଆରେ ସ୍ଥିର କରାଯାଇଛି ା ଏଠାରେ ଆୟୋଜିତ ବୈଠକରେ ଜିଲା ସମ୍ପାଦକ ବଳରାମ ନାୟକ, ମଦନ ଦେବତା, ବ୍ରଜକିଶୋର ଶତପଥୀ, ଅଭିରାମ ଚନ୍ଦ୍ର ମିଶ୍ର, ଚନ୍ଦ୍ରମଣି ସାହୁ, ଚନ୍ଦ୍ରମଣି ସାହୁ, ବସନ୍ତ କୁମାର ବଳ, ହରିନାରାୟଣ ଦାସ, ନିଗମାନନ୍ଦ ନାୟକ, ପ୍ରଭାକର ଭଞ୍ଜ ପ୍ରମୁଖ ଯୋଗଦେଇ ଆଲୋଚନାରେ ଅଂଶଗ୍ରହଣ କରିଥିଲେ ା ସୋମନାଥ ସ୍ବାଇଁ ଧନ୍ୟବାଦ ଅର୍ପଣ କରିଥିଲେ ା ବୈଠକରେ ଉପସ୍ଥିତି କାର୍ଯ୍ୟକର୍ତ୍ତାମାନେ ଦୀର୍ଘବର୍ଷ ହେବା ତାଲିମ ପାଇଁ ଚାକିରୀରୁ ବଂଚିତ ହୋଇ ନାନା ସମସ୍ୟାର ସମ୍ମୁଖିନ ହୋଇଆସୁଥିବା ଘଟଣା ସଂପର୍କରେ ଦୃଷ୍ଟି ଆକର୍ଷଣ କରିଥିଲେ ା