ଘୋଡା ଉପରେ ଲମ୍ବା ମାଲେଟ୍ (ହକ ଷ୍ଟିକ୍ ପରି) ସାହାଯ୍ୟରେ ଦୁଇଟି ଦଳ ଗୋଟିଏ ଛୋଟିଆ ବଲକୁ ନେଇ ଖେଳନ୍ତି ପୋଲୋ। ଏହି ଖେଳ ବେଶ୍ ରୋଚକ ହେବାସହ କଷ୍ଟକର ବି। ଘୋଡା ଚଳାଇବା ସହ ଲମ୍ବା ମାଲେଟ୍ ସାହାଯ୍ୟରେ ଅପୋନେଣ୍ଟର ଗୋଲପୋଷ୍ଟ ଭିତରକୁ ବଲ୍କୁ ମାରିବାକୁ ହୁଏ। ତେବେ ଏହି ଖେଳ ପରି ଆଉ ଏକ ଖେଳ ବି ଅଛି। ହେଲେ ଏଥିରେ ଘୋଡା ବଦଳରେ ବ୍ୟବହାର କରାଯାଏ ୟୁନି ସାଇକେଲ। ୟୁନି ସାଇକେଲ ଅର୍ଥାତ୍ ଏକ ଚକିଆ ସାଇକେଲ, ଯାହାକୁ ନିୟନ୍ତ୍ରଣ କରି ଚଳାଇବା ବହୁତ କଷ୍ଟକର। ଏମିତିରେ ଏହାକୁ ଚଳାଇବା ସହ ଏକା ନିୟମରେ ପୋଲୋ ଖେଳିବା ଅସମ୍ଭବ ଲାଗେ। କିନ୍ତୁ କିଛି ଦୁଃସାହସୀ ବ୍ୟକ୍ତିଙ୍କ ପାଇଁ ଏଭଳି ଏକ କଷ୍ଟକର ଖେଳର ପ୍ରତିଯୋଗିତା ଆୟୋଜନ ହେଉଛି। ଏହି ଖେଳ ବେଶ୍ ରୋମାଞ୍ଚକର ହୋଇଥାଏ।