ନୂଆଦିଲ୍ଲୀ,୭।୪: ଦେଶରେ କରୋନା ସଂକ୍ରମଣ ବୃଦ୍ଧିକୁ ଦୃଷ୍ଟିରେ ରଖି ଶୁକ୍ରବାର କେନ୍ଦ୍ର ସରକାର ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳର ସ୍ବାସ୍ଥ୍ୟମନ୍ତ୍ରୀଙ୍କର ଏକ ବୈଠକ ଡାକିଛନ୍ତି। ଏହି ବୈଠକରେ କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ମନସୁଖ ମାଣ୍ଡବିୟ ଦେଶରେ ବଢି ଚାଲିଥିବା କରୋନା ସଂକ୍ରମଣକୁ ନେଇ ଚିନ୍ତା ପ୍ରକଟ କରିଛନ୍ତି। ଏହି ବୈଠକରେ ସେ କୋଭିଡ-୧୯ର ସ୍ଥିତିକୁ ନେଇ ସ୍ବାସ୍ଥ୍ୟମନ୍ତ୍ରୀମାନଙ୍କ ସହ ଏକ ସମିକ୍ଷା ବୈଠକ କରିଛନ୍ତି। ଏହି ବୈଠକରେ କୋଭିଡ ଟେଷ୍ଟିଂ ଏବଂ ଜିନୋମ ସିକ୍ୱେନସିଂ ସହ କୋଭିଡ ନିୟମର ପାଳନକୁ ବଢାଇବାକୁ ନେଇ ଚର୍ଚ୍ଚା କରାଯାଇଛି। ଏହି ବୈଠକ ଦିଲ୍ଲୀରେ ଚାଲିଛି।
କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ମାଣ୍ଡବିୟ କହିଛନ୍ତି, ଆମକୁ ସତର୍କ ରହିବାକୁ ପଡିବ ଓ ଅନାବଶ୍ୟକ ଭୟ ପ୍ରଚାର କରିବା ନାହିଁ। ଏହି ବୈଠକରେ ମାଣ୍ଡବିୟ ସମସ୍ତ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳର ସ୍ବାସ୍ଥ୍ୟମନ୍ତ୍ରୀଙ୍କୁ ନିବେଦନ କରିଛନ୍ତି କି ରାଜ୍ୟରେ କୋଭିଡର ସ୍ଥିତିକୁ ଦେଖି ସ୍ବାସ୍ଥ୍ୟ ସୁବିଧା ଓ ଇନଫ୍ରାଷ୍ଟକ୍ଚରକୁ ନେଇ ସମିକ୍ଷା ବୈଠକ କରିବେ। ଏହି ସମୟରେ ସେ ୧୦ ଓ ୧୧ ଏପ୍ରିଲକୁ ସାରା ଦେଶରେ କୋଭିଡକୁ ନେଇ ମକ କ୍ରିଲ କରିବା କଥା କହିଛନ୍ତି। ଏହାସହ ସେ ରାଜ୍ୟର ସ୍ବାସ୍ଥ୍ୟ ମନ୍ତ୍ରୀଙ୍କୁ ହସ୍ପିଟାଲ ଗସ୍ତ କରିବାକୁ କହିଛନ୍ତି।