ନୂଆଦିଲ୍ଲୀ,୨୨।୨: କେନ୍ଦ୍ର କୃଷି ମନ୍ତ୍ରୀ ଶିବରାଜ ସିଂହ ଚୌହାନଙ୍କୁ ଏୟାର ଇଣ୍ଡିଆର ଏକ ବିମାନରେ ଭଙ୍ଗା ସିଟରେ ଯାତ୍ରା କରିବାକୁ ପଡିଲା। ଏ ସମ୍ପର୍କରେ ସେ ତାଙ୍କ ଏକ୍ସରେ ନିଜର ଅସନ୍ତୋଷ ପ୍ରକାଶ କରିଛନ୍ତି। ଶିବରାଜ କହିଛନ୍ତି ଯେ ଏୟାର ଇଣ୍ଡିଆ ବିମାନରେ ବସିବା ଯନ୍ତ୍ରଣାଦାୟକ ଥିଲା।
କେନ୍ଦ୍ର କୃଷି ମନ୍ତ୍ରୀ ଏକ୍ସରେ ଲେଖିଛନ୍ତି, ଆଜି ମୋତେ ଭୋପାଳରୁ ଦିଲ୍ଲୀ ଆସିବାକୁ ଥିଲା। ପୁସାରେ କିଷାନ ମେଳା ଉଦଘାଟନ, କୁରୁକ୍ଷେତ୍ରରେ ପ୍ରାକୃତିକ କୃଷି ମିଶନର ଏକ ବୈଠକ ଏବଂ ଚଣ୍ଡିଗଡ଼ରେ କୃଷକ ସଂଗଠନର ମାନ୍ୟବର ପ୍ରତିନିଧିମାନଙ୍କ ସହ ଆଲୋଚନା କରିବାର ଥିଲା। ମୁଁ ଏୟାର ଇଣ୍ଡିଆର ବିମାନ AI436 ରେ ଟିକେଟ ବୁକ କରିଥିଲି, ମୋତେ 8C ନମ୍ବର ସିଟ ଆଲର୍ଟ ହୋଇଥିଲା। ମୁଁ ଯାଇ ସିଟ ଉପରେ ବସିଲି, ସିଟଟି ଭଙ୍ଗା ଏବଂ ତଳକୁ ଦବି ଯାଇଥିଲା। ବସିବା ଯନ୍ତ୍ରଣାଦାୟକ ଥିଲା।
ଶିବରାଜ ଆହୁରି କହିଛନ୍ତି, ମୁଁ ଏୟାରଲାଇନ୍ସ କର୍ମଚାରୀଙ୍କୁ ପଚାରିଲି ଯେ ଯଦି ସିଟ ଖରାପ ଥିଲା ତେବେ କାହିଁକି ଆଲର୍ଟ କରାଯାଇଥିଲା? ଏହି ସିଟ ଯଦି ଭଲ ନ ଥିଲା ଏହାର ଟିକେଟ ବିକ୍ରି କରାଯିବା ଉଚିତ ନୁହେଁ। ଏପରି କେବଳ ଗୋଟିଏ ସିଟ୍ ନାହିଁ ବରଂ ଆହୁରି ଅନେକ ସିଟ୍ ଏପରି ଅଛି। ମୋର ସହଯାତ୍ରୀମାନେ ମୋତେ ମୋର ସିଟ ବଦଳାଇ ଭଲ ସିଟ ରେ ବସିବାକୁ ଅନୁରୋଧ କରିଥିଲେ, କିନ୍ତୁ ମୁଁ ମୋ ପାଇଁ ଅନ୍ୟ ବନ୍ଧୁଙ୍କୁ କାହିଁକି କଷ୍ଟ ଦେବି, ମୁଁ ନିଷ୍ପତ୍ତି ନେଇଥିଲି ଯେ ମୁଁ କେବଳ ଏହି ସିଟରେ ବସି ମୋର ଯାତ୍ରା ସମାପ୍ତ କରିବି। ମୋର ଧାରଣା ଥିଲା ଯେ ଟାଟା ପରିଚାଳନା ଦାୟିତ୍ୱ ନେବା ପରେ ଏୟାର ଇଣ୍ଡିଆର ସେବାରେ ଉନ୍ନତି ହେବ, କିନ୍ତୁ ଏହା ମୋର ଭୁଲ ଧାରଣା ବୋଲି ଜଣାପଡ଼ିଥିଲା।
आज मुझे भोपाल से दिल्ली आना था, पूसा में किसान मेले का उद्घाटन, कुरुक्षेत्र में प्राकृतिक खेती मिशन की बैठक और चंडीगढ़ में किसान संगठन के माननीय प्रतिनिधियों से चर्चा करनी है।
मैंने एयर इंडिया की फ्लाइट क्रमांक AI436 में टिकिट करवाया था, मुझे सीट क्रमांक 8C आवंटित हुई। मैं जाकर…
— Shivraj Singh Chouhan (@ChouhanShivraj) February 22, 2025
