ଇମ୍ଫାଲ,୧୬।୬: ଉତ୍ତର-ପୂର୍ବ ରାଜ୍ୟ ମଣିପୁରରେ ହିଂସା ଘଟଣାରେ କେନ୍ଦ୍ର ମନ୍ତ୍ରୀଙ୍କ ଘରେ ନିଆଁ ଲଗାଇଦିଆଯାଇଛି। ମଣିପୁର ସରକାର କହିଛନ୍ତି ଯେ ଗୁରୁବାର ବିଳମ୍ବିତ ରାତିରେ କେନ୍ଦ୍ର ବୈଦେଶିକ ବ୍ୟାପାର ମନ୍ତ୍ରୀ ଆର.କେ ରଂଜନ ସିଂଙ୍କ କଙ୍ଗବା ବାସଭବନରେ ଉଗ୍ରବାଦୀମାନେ ନିଆଁ ଲଗାଇ ଦେଇଛନ୍ତି। ଏହା ଏକ ସୌଭାଗ୍ୟର ବିଷୟ ଯେ ଘଟଣା ସମୟରେ କେନ୍ଦ୍ର ମନ୍ତ୍ରୀ ଘରେ ନ ଥିଲେ। ଏହାପୂର୍ବରୁ କେତେଜଣ ଉଗ୍ରବାଦୀ ବୁଧବାର ଇମ୍ଫାଲ ୱେଷ୍ଟର ଲ୍ୟାମ୍ପେଲ ଅଞ୍ଚଳରେ ଜଣେ ମନ୍ତ୍ରୀଙ୍କ ଘରେ ନିଆଁ ଲଗାଇ ଦେଇଛନ୍ତି। ନେମଚା କିପଗେନ ଭାଜପା ଏବଂ ରାଜ୍ୟ ସରକାରରେ ଜଣେ ମନ୍ତ୍ରୀ। କିପଗେନ ୨୦୧୭ଠାରୁ କାଙ୍ଗପୋକପି ନିର୍ବାଚନମଣ୍ଡଳୀରୁ ମଣିପୁର ବିଧାନସଭା ସଦସ୍ୟ ଅଟନ୍ତି।
