ଅହମଦାବାଦ, ୫।୯: କେନ୍ଦ୍ର ସାମାଜିକ ନ୍ୟାୟ ମନ୍ତ୍ରୀ ରାମଦାସ ଅଠାଓ୍ବାଲେ ଭାରତରେ ଏକ ସନ୍ତାନ ନୀତି ସପକ୍ଷରେ ଯୁକ୍ତି ବାଢ଼ିଛନ୍ତି। ବିକାଶ ପାଇଁ ଜନସଂଖ୍ୟା ନିୟନ୍ତ୍ରଣ ଜରୁରୀ। ସେଥିପାଇଁ ତାଙ୍କ ଦଳ ଏକସନ୍ତାନ ନୀତିକୁ ସମର୍ଥନ କରେ ବୋଲି ଆର୍ପିଆଇ ଅଧ୍ୟକ୍ଷ ଅଠାଓ୍ବାଲେ କହିଛନ୍ତି।
କେବଳ ହିନ୍ଦୁ ସଂଖ୍ୟାଗରିଷ୍ଠ ଥିବା ପର୍ଯ୍ୟନ୍ତ ଲୋକେ ସମ୍ବିଧାନ ଓ ଧର୍ମନିରପେକ୍ଷତା ସମ୍ପର୍କରେ କହିପାରିବେ ବୋଲି ନିକଟରେ ଗୁଜରାଟ ଉପମୁଖ୍ୟମନ୍ତ୍ରୀ ନିତୀନ ପଟେଲ କହିଥିଲେ। ତେବେ ହିନ୍ଦୁ ଜନସଂଖ୍ୟା କମିବାର ସମ୍ଭାବନା ନାହିଁ ବୋଲି ଅଠାଓ୍ବାଲେ କହିଛନ୍ତି। ଜଣେ ନିଜ ପସନ୍ଦର କାର୍ଯ୍ୟ କରିବା ପାଇଁ ସମ୍ବିଧାନ ଅଧିକାର ଦେଇଛି। ତେବେ ଧର୍ମ ପରିବର୍ତ୍ତନ ଲାଗି କେହି ଅନ୍ୟକୁ ବାଧ୍ୟ କରିପାରିବେ ନାହିଁ ବୋଲି ଆର୍ପିଆଇ ନେତା ଖବରଦାତାମାନଙ୍କୁ କହିଛନ୍ତି।
