ଲକ୍ଷ୍ନୌ,୧।୯: ଲକ୍ଷ୍ନୌର ଡୁବାଗାରେ କେନ୍ଦ୍ର ମନ୍ତ୍ରୀ କୌଶଲ କିଶୋରଙ୍କ ଘରେ ଜଣେ ବ୍ୟକ୍ତିଙ୍କର ମୃତ୍ୟୁ ଘଟିଛି। ମୃତକଙ୍କ ନାମ ବିନୟ ଶ୍ରୀବାସ୍ତବ ବୋଲି ଜଣାପଡିଛି। ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲା।
ଏହି ମାମଲା ଠାକୁରଗଞ୍ଜ ପୋଲିସ ଷ୍ଟେଶନ ଅଞ୍ଚଳର ବେଗରିଆ ଗାଁର ଅଟେ। ଏନେଇ ବିନୟ ଶ୍ରୀବାସ୍ତବଙ୍କ ପରିବାର ସଦସ୍ୟ ଏକ ଲିଖିତ ଅଭିଯୋଗ କରିଛନ୍ତି। ସେ ଅଭିଯୋଗ କରିଛନ୍ତି ଯେ, କେନ୍ଦ୍ର ମନ୍ତ୍ରୀ କୌଶଲ କିଶୋରଙ୍କ ପୁଅ ବିକାଶ କିଶୋରଙ୍କ ପିସ୍ତଲରୁ ଗୁଳି ବାଜିବାରୁ ବିନୟଙ୍କର ମୃତ୍ୟୁ ଘଟିଛି। ଠାକୁରଗଞ୍ଜ ଡୁବାଗା ପୋଲିସ ଘଟଣାସ୍ଥଳରେ ପହଞ୍ଚିଛି।