ଆଜିକାଲି ଦେଖାଯାଉଛି ମଣିଷ ଭିତରୁ ସ୍ନେହ, ମମତା ଭାବ ଦୂରେଇ ଯିବାରେ ଲାଗିଛି। କିନ୍ତୁ ନିକଟରେ ସୋସିଆଲ ମିଡିଆରେ ଦେଖିବାକୁ ମିଳିଥିଲା ଛୋଟିଆ କୁକୁର ଛୁଆ ଓ ଏକ ବତକର ସ୍ନେହ ମମତାଭରା ଏକ ସୁନ୍ଦର ଭିଡିଓ, ଯାହାକୁ ଲକ୍ଷ ଲକ୍ଷ ଲୋକ ବେଶ୍ ପସନ୍ଦ କରିଥିଲେ। ଏହି ଭିଡିଓରେ ଥିଲା ଏକ ସତ କାହାଣୀ। ମା’ ହରେଇଥିବା ଏକ କୁନି କୁକୁର ଛୁଆକୁ ଏକ ବତକ ପାଉଛି। ଆଉ ତାକୁ ଦେଉଛି ମା’ର ମମତା। ଏମିତିକି ବତକଟି ଯୁଆଡେ ବି ଯାଏ କୁକୁର ଛୁଆକୁ ନିଜ ପିଠିରେ ବସାଇ ବୁଲାଏ। କ୍ଷଣକ ପାଇଁ ବି ବତକଟି କୁକୁର ଛୁଆକୁ ଏକୁଟିଆ ଛାଡେ ନାହିଁ। ଯଦ୍ୱାରା କୁକୁର ଛୁଆଟି କେବେ ତା’ର ମା’ର ଅଭାବକୁ ଅନୁଭବ କରେନା। ଏମିତିରେ କୁକୁର ଛୁଆଟି ବଡ଼ ହୁଏ। ଆଉ ବତକର ବି ଅନେକ ଛୁଆ ହୁଏ। ଏବେ କୁକୁର ଛୁଆ ବତକର ସ୍ନେହ ମମତା ବଦଳରେ ବତକ ଓ ବତକ ଛୁଆଙ୍କର ଯତ୍ନ ନେଉଛି। ସୁରକ୍ଷା ପ୍ରଦାନ କରୁଛି। ଏହି ଭିଡିଓ ସତରେ ଥିଲା ଭାରି ହୃଦୟସ୍ପର୍ଶୀ। ଆଜିକାଲି ମଣିଷ ନିଜ ବାପାମା’ଙ୍କ ତ୍ୟାଗ ଓ ଭଲ ପାଇବାର ଋଣକୁ ପରିଶୋଧ କରିବାକୁ ପଛାଉଥିବା ଓ ନିଜ କର୍ତ୍ତବ୍ୟକୁ ଭୁଲିଯାଉଥିବା ଦେଖାଯାଉଥିବାବେଳେ ପ୍ରାଣୀଙ୍କ ଭିତରେ ଦେଖିବାକୁ ମିଳିଥିବା ଏଭଳି ମନୋଭାବରୁ ମଣିଷ କିଛି ଶିଖିବା କଥା।
