ନିଆରା ପରମ୍ପରା: ତପୋବନରେ ଫୁଲର ହୋଲି

ବରଗଡ଼,୧୪ା୩(ପ୍ରେମାନନ୍ଦ ଖମାରୀ): ବରଗଡ଼ ଭଟଲି ରୋଡ୍‌ସ୍ଥିତ ତପୋବନ ଆଶ୍ରମରେ ଷଷ୍ଠ ବର୍ଷ ସାମୂହିକ ଭାବେ ଫୁଲରେ ହୋଲି ପାଳନ କରାଯାଇଥିଲା। ବିନା ରାସାୟନିକ ରଙ୍ଗ ବ୍ୟବହାର କରି ଫୁଲରେ ହୋଲି ଏକ ନିଆରା କାର୍ଯ୍ୟକ୍ରମ ଥିଲା। ହୋଲି ପାଳନ କରିବାର ଏହି ପରମ୍ପରାକୁ ଅନେକେ ଅପେକ୍ଷାରେ ଥାଆନ୍ତି। ଏହା ପୁଷ୍ପ କୃଷିକୁ ଏକ ପ୍ରତୀକାତ୍ମକ ଉତ୍ସାହ ପ୍ରଦାନ କରିବା ସହ ପରିବେଶ ଉପଯୋଗୀ ପର୍ବ ପାଳନ କରିବାର ଏକ ଅଭିନବ ପ୍ରଚେଷ୍ଟା। ଏହି ଅବଧାରଣା ପାଇଁ ମଲ୍ଲିକାଜୁନ ରାଓଙ୍କ ସହଯୋଗ ସ୍ମରଣୀୟ ବୋଲି ତୀର୍ଥବାସୀ ଦେବତା ତାଙ୍କର ବକ୍ତବ୍ୟରେ ଉଲ୍ଳେଖ କରିଥିଲେ। ସାମୀ ତେଜୋମୟlନନ୍ଦ ସରସ୍ବତୀଙ୍କ ଭକ୍ତି ସଙ୍ଗୀତ ସମସ୍ତଙ୍କୁ ମନ୍ତ୍ରମୁଗ୍ଧ କରିଥିଲା। ଏଥିରେ ସାମୀ ନିତ୍ୟବୁଦ୍ଧାନନ୍ଦ ଓ ସ୍ବାମୀ ପର୍ବତାନନ୍ଦଙ୍କ ଉପସ୍ଥିତି ଓ ଭକ୍ତିପୂର୍ଣ୍ଣ ସଙ୍ଗୀତ ସମସ୍ତଙ୍କୁ ମନ୍ତ୍ରମୁଗ୍ଧ କରିଥିଲା। ଏହି ନିଆରା ହୋଲିରେ ନାଗେନପାଲି ଓ ସୋହେଲା, ଜାଲପାଲିର କୀର୍ତ୍ତନ ମଣ୍ଡଳୀଙ୍କ କୀର୍ତ୍ତନ ସମସ୍ତଙ୍କୁ ନୃତ୍ୟ ନିମଗ୍ନ କରିଥିଲା। କାମିନୀ ଦାସ, ସୁଶୀଲ ପ୍ରଧାନ, ରାମନାରାୟଣ ରଥ, ଗାଇସିମାର ଚନ୍ଦ୍ରକାନ୍ତି ସଙ୍ଗୀତ ଓ ଭଜନ ପରିବେଷଣ କରିଥିଲେ। ବରଗଡ଼ ଜିଲା ମହିଳା ସମିତିର ସଭ୍ୟାମାନେ ରାଧାରାଣୀ ମିଶ୍ର ଓ ହର୍ଜିନ୍ଦର୍‌ କୌରଙ୍କ ନେତୃତ୍ୱରେ ସହଯୋଗ କରିଥିଲେ। ଗୌରାଙ୍ଗ ନାଏକ, ଚନ୍ଦ୍ରଧାଜ ଜାଲ, ପରେଶ ନାୟକ, ଡଃ ଜ୍ଞାନ ପଣ୍ଡା, ଡଃ ସାଧୁ ଚରଣ ଦାଶ, ଶ୍ରବଣ ଲାଠ, ର୍ନିମଳ କର, ୟୁ. ସାଇବାବୁ ପ୍ରମୁଖ ଏଥିରେ ଅଂଶଗ୍ରହଣ କରିଥିଲେ। ବଲାଙ୍ଗୀର ତପୋବନର ରାଜେନ୍ଦ୍ର ସାହୁ ଓ ଅନ୍ୟାନ୍ୟ ସଭ୍ୟବୃନ୍ଦ ମଧ୍ୟ ଏଥିରେ ଉପସ୍ଥିତ ଥିଲେ। ତୀର୍ଥବାସୀ ଦେବତା ଓ ପ୍ରୀତମ ସିଂ ଏହି କାର୍ଯ୍ୟକ୍ରମର ସଂଯୋଜନା
କରିଥିଲେ। ଚନ୍ଦ୍ରଶେଖର ଧନ୍ୟବାଦ ଅର୍ପଣ କରିଥିଲେ।