ଏବେ ଚାଲିଛି ବିବାହ ଋତୁ। ଏଭଳି ପରିସ୍ଥିତିରେ ଘରକୁ ଅନେକ ବିବାହ କାର୍ଡ ଆସୁଥିବାର ଦେଖିଥିବେ। ଏହି କାର୍ଡଗୁଡ଼ିକ ମଧ୍ୟରୁ ଲୋକେ କିଛି କାର୍ଡକୁ ସାଇତି ରଖୁଥିବା ବେଳେ ଆଉ କିଛି କାର୍ଡକୁ ଅଳିଆଗଦାରେ ଫିଙ୍ଗି ଦେଇଥାନ୍ତି। କିନ୍ତୁ ଅନେକ ଲୋକ ଅଛନ୍ତି, ଯେଉଁମାନେ ସେମାନଙ୍କ ବିବାହକୁ ସ୍ବତନ୍ତ୍ର ଏବଂ ସ୍ମରଣୀୟ କରିବା ପାଇଁ ବହୁତ ମହଙ୍ଗା ଏବଂ ବିସ୍ମୟ କାର୍ଡ ଛାପିଥାନ୍ତି। ଏହି କାର୍ଡକୁ ଦେଖିଲେ ଚିରଦିନ ପାଇଁ ସାଇତି ରଖିବାକୁ ଇଚ୍ଛା ହୁଏ।
ଗୁଜରାଟର ଜଣେ ବ୍ୟକ୍ତି ଏପରି ବିବାହ କାର୍ଡ ଛାପିଛନ୍ତି। ଏହା ଏତେ ଦାମୀ ହୋଇ ନ ଥିଲେ ମଧ୍ୟ ଚର୍ଚ୍ଚାରେ ରହିଛି। ଏହି କାର୍ଡ ଖୁବ୍ ଚମତ୍କାର ହୋଇଛି। ଯେଉଁଥିରେ ଏକ ପକ୍ଷୀ ଆରାମରେ ନିଜର ବସା ତିଆରି କରିପାରିବ।
ଗୁଜରାଟର ଭବନଗର ଜିଲାର ବାସିନ୍ଦା ଶିବଭାଇ ରାଜୋଜି ଗୋହିଲ ଏପରି କାର୍ଡ ଛପାଇଛନ୍ତି। ଶିବଭାଇ ତାଙ୍କ ପୁଅଙ୍କ ବିବାହ କାର୍ଡ ଅନନ୍ୟ ଏବଂ ସ୍ମରଣୀୟ ହେବା ଉଚିତ୍। ସେଥିପାଇଁ ସେ ଏପରି କାର୍ଡ ଛପାଇଥିଲେ। ଯାହାକୁ ଲୋକମାନେ ପକାଇବାକୁ ପସନ୍ଦ କରିବେ ନାହିଁ। ଅର୍ଥାତ୍ ଲୋକମାନେ ଏହାକୁ ଅଳିଆଗଦାରେ ପକାଇବା ପରିବର୍ତ୍ତେ ଏହାକୁ ଏକ ପକ୍ଷୀ ଘର ମଧ୍ୟ କରିପାରିବେ। ହଁ, ଏହି କାର୍ଡରେ ଏକ ବସା ରହିଛି। ଯେଉଁଥିରେ ଏକ ଚାରା କିମ୍ବା ଅନ୍ୟ କୌଣସି ଛୋଟ ପକ୍ଷୀ ଆରାମରେ ବଞ୍ଚିପାରିବେ।
ଶିବଭାଇଙ୍କ ଅନୁଯାୟୀ, ଏହି ଆଇଡିଆ ତାଙ୍କ ପୁଅ ଜୟଶଙ୍କର ତାଙ୍କୁ ଦେଇଥିଲେ। ବାସ୍ତବରେ ଜୟ ଚାହୁଁଥିଲେ ତାଙ୍କ ବିବାହ କାର୍ଡ ଏପରି ହେଉ ଯେ, ଏହାକୁ ପୁନର୍ବାର ବ୍ୟବହାର କରାଯାଇପାରିବ। ସେ ଚାହୁଁ ନ ଥିଲେ ଲୋକମାନେ କାର୍ଡକୁ ଅଳିଆଗଦାରେ ଫିଙ୍ଗନ୍ତୁ।
କିଛିଦିନ ପୂର୍ବରୁ ଜଣେ ଓକିଲଙ୍କ ବିବାହ କାର୍ଡ ମଧ୍ୟ ଚର୍ଚ୍ଚାରେ ଥିଲା। ଯାହାକୁ ଲୋକେ କହୁଥିଲେ ଏହା ଏକ ନିମନ୍ତ୍ରଣ ପତ୍ର ନା ଆଇନଗତ ବିଜ୍ଞପ୍ତି। ବାସ୍ତବରେ ଏହି କାର୍ଡର ଭାଷା ଏବଂ ଡିଜାଇନ ଉଭୟ ‘ଆଇନଗତ’ ଥିଲା। ଯେଉଁଥିରେ ଲେଖାଥିଲା, ‘ବିବାହ ରିସେପ୍ସନର ନୋଟିସ’। ଭାରତୀୟ ସମ୍ବିଧାନର ଧାରା ୨୧ ଅନୁଯାୟୀ ଏହି ଦମ୍ପତି ବିବାହ କରୁଥିବା କାର୍ଡରେ ବି ଉଲ୍ଲେଖ ରହିଥିଲା।