ଓ୍ବାଶିଂଟନ/ମସ୍କୋ/କ୍ୱିଭ୍,୩।୩ : ରୁଷିଆ ୟୁକ୍ରେନ୍ ଯୁଦ୍ଧରେ ଆମେରିକା ୬୦ ବର୍ଷ ତଳେ ୧୯୬୨ରେ ହୋଇଥିବା କ୍ୟୁବା ଯୁଦ୍ଧ ମନେ ପକାଇଛି। ସେତେବେଳେ ସୋଭିଏତ୍ ୟୁନିଅନ କ୍ୟୁବା ଉପରେ ଆକ୍ରମଣ କରିଥିଲା। କୁବ୍ୟ ଆକ୍ରମଣ ଭଳି ରୁଷିଆ କିଛି ମାସ ପୂର୍ବରୁ ୟୁକ୍ରେନ ସୀମାରେ ମଧ୍ୟ ହଜାର ହଜାର ସୈନିକ ନିୟୋଜିତ କରିଥିଲା। ଯୁଦ୍ଧ ଜାହାଜଠାରୁ ଆରମ୍ଭ କରି କ୍ଷେପଣାସ୍ତ୍ର ଏବଂ ଟ୍ୟାଙ୍କ ପର୍ଯ୍ୟନ୍ତ ଅନ୍ୟ ସାମରିକ ଉପକରଣ ଠୁଳ କରାଯାଇଥିଲା । ଏହା ୧୯୬୨ର ସ୍ମୃତିକୁ ତାଜା କରୁଛି। ୧୯୬୨ରେ ସୋଭିଏତ୍ ୟୁନିଅନର ସାହାଯ୍ୟରେ କ୍ୟୁବା ଉପରେ କ୍ଷେପଣାସ୍ତ୍ର ମୁତୟନ କରାଯାଇଥିଲା।
ଯେପରି ରୁଷିଆ ୟୁକ୍ରେନରେ ଆକ୍ରମଣ ପୂର୍ବରୁ ପ୍ରସ୍ତୁତି କରିଥିଲା। ସେତେବେଳେ ଆମେରିକା ଏହି ପ୍ରସଙ୍ଗରେ କ୍ରୋଧିତ ହୋଇଥିଲା ଏବଂ ଉଭୟ ପରମାଣୁ ସମୃଦ୍ଧ ଦେଶ ମୁହାଁମୁହିଁ ହୋଇଥିଲେ। ଆମେରିକାର ସୀମାନ୍ତରେ କ୍ୟୁବା ଏକ ଦେଶ।
ଏପରିକି ସେତେବେଳେ ଆମେରିକାର ରାଷ୍ଟ୍ରପତି ଜନ ଏଫ କେନେଡି ଏହାର ସୀମା ନିକଟରେ ସୋଭିଏତ୍ ୟୁନିଅନ ଦ୍ୱାରା କରାଯାଇଥିବା କାର୍ଯ୍ୟକଳାପକୁ ଦୃଢ଼ ବିରୋଧ କରିଥିଲେ ଏବଂ ପରମାଣୁ ଆକ୍ରମଣର ଧମକ ମଧ୍ୟ ଦେଇଥିଲେ।
ସେତେବେଳେ ଆମେରିକାର ସୀମା ନିକଟରେ ଅବସ୍ଥିତ କ୍ୟୁବାରେ ସୋଭିଏତ ୟୁନିଅନର ସହାୟତାରେ କ୍ଷେପଣାସ୍ତ୍ରଗୁଡ଼ିକ ନିୟୋଜିତ ହୋଇଥିଲା। ଏନେଇ ସେତେବେଳେ ଆମେରିକା ଆଶ୍ଚର୍ଯ୍ୟ ହୋଇଯାଇଥିଲା ଏବଂ ତୃତୀୟ ବିଶ୍ୱଯୁଦ୍ଧର ସଙ୍କଟ ଘନେଇ ଥିଲା। ତତ୍କାଳୀନ ଆମେରିକାର ରାଷ୍ଟ୍ରପତି ଏହାକୁ ସୋଭିଏତ୍ ୟୁନିଅନ ଦ୍ୱାରା ହୋଇଥିବା ଏହି କାର୍ଯ୍ୟ ଆମେରିକା ପାଇଁ ଏକ ଆହ୍ବାନ ବୋଲି କହିିଥିଲେ।
ସୋଭିଏତ ୟୁନିଅନର କ୍ଷେପଣାସ୍ତ୍ରଗୁଡ଼ିକୁ ହଟାଇବା ପାଇଁ ତତ୍କାଳୀନ ଆମେରିକାର ରାଷ୍ଟ୍ରପତି କିଛି ଘଣ୍ଟା ସମୟ ଦେଇଥିଲେ। ଯାହା ପରମାଣୁ ଆକ୍ରମଣ ପାଇଁ ପ୍ରସ୍ତୁତ ହେବା ପାଇଁ କଠୋର ଚେତାବନୀ ଦେଇଥିଲା। ପରେ, ଦୁଇ ଦେଶ ମଧ୍ୟରେ କିଛି ସର୍ତ୍ତ ସହ ଆଲୋଚନା ପରେ ସୋଭିଏତ୍ ୟୁନିଅନର ନେତା ନିକିତା ସେର୍ଗେଇଭିଚ୍ କ୍ରୁଚେଭ କ୍ଷେପଣାସ୍ତ୍ର ହଟାଇବାକୁ ଘୋଷଣା କରିଥିଲେ। ପରେ ଆମେରିକା ମଧ୍ୟ ତୁର୍କୀରୁ କ୍ଷେପଣାସ୍ତ୍ର ପ୍ରତ୍ୟାହାର କରିନେଇଥିଲା ଏବଂ ଏକ ଭୟଙ୍କର ପରମାଣୁ ଯୁଦ୍ଧକୁ ରୋକାଯାଇଥିଲା।
ଦ୍ୱିତୀୟ ବିଶ୍ୱଯୁଦ୍ଧ ପରେ ଆମେରିକା ଏବଂ ସୋଭିଏତ୍ ୟୁନିଅନ ମଧ୍ୟରେ ଶୀତଳ ଯୁଦ୍ଧ ଚାଲିଥିଲା। ଅର୍ଥନୈତିକ, କୂଟନୈତିକ ଏବଂ ସାମରିକ ଶକ୍ତି ବୃଦ୍ଧି କରିବାକୁ ଉଭୟ ପରସ୍ପର ବିରୁଦ୍ଧରେ ଏକ ଦୌଡ଼ରେ ଥିଲେ। ୟୁକ୍ରେନ ସମ୍ବନ୍ଧରେ ସାମ୍ପ୍ରତିକ ପରିସ୍ଥିତିରେ ଆମେରିକା ରୁଷିଆକୁ କଡା ଚେତାବନୀ ଦେଇଛି।
ୟୁକ୍ରେନରେ ସିଧାସଳଖ ଯୁଦ୍ଧ କରିବା ପାଇଁ ଆମେରିକା ଏପର୍ଯ୍ୟନ୍ତ ନିଜର ସୈନ୍ୟ ପଠାଇ ନାହିଁ, କିନ୍ତୁ ୟୁକ୍ରେନର ଅଖଣ୍ଡତା ଏବଂ ସାର୍ବଭୌମତ୍ୱକୁ ବଜାୟ ରଖିବା ପାଇଁ ଆମେରିକା ସମେତ ଅନେକ ପାଶ୍ଚାତ୍ୟ ଦେଶ ନିଜର ପ୍ରତିବଦ୍ଧତା ପ୍ରକାଶ କରିଛନ୍ତି।