ଓ୍ବାଶିଂଟନ/କ୍ୱିଭ୍, ୧୧।୬ : ରୁଷିଆ ଏବଂ ୟୁକ୍ରେନ ମଧ୍ୟରେ ଯୁଦ୍ଧ ଥମିବାର ନା ଧରୁନି। ଏପରିସ୍ଥଳେ ଆମେରିକାର ରାଷ୍ଟ୍ରପତି ଜୋ ବାଇଡେନ ଏ ବିଷୟରେ ଏକ ସତ କଥା ସମ୍ପର୍କରେ ଉଲ୍ଲେଖ କରିଛନ୍ତି। ବିନାଶର ଏକ ପରୋକ୍ଷ ସନ୍ଦର୍ଭରେ ସେ କହିଛନ୍ତି ଯେ ଦ୍ୱିତୀୟ ବିଶ୍ୱଯୁଦ୍ଧ ପରେ ଏହା କେବେ ହୋଇ ନ ଥିଲା।
ବାଇଡେନ ଏହା ମଧ୍ୟ କହିଛନ୍ତି ଯେ ଯେତେବେଳେ ମୁଁ ୟୁକ୍ରେନ ରାଷ୍ଟ୍ରପତି ଭ୍ଲାଦିମିର ଜେଲେନସ୍କିଙ୍କୁ ଯୁଦ୍ଧର ବିପଦ ବିଷୟରେ ଚେତାବନୀ ଦେଇଥିଲି, ସେତେବେଳେ ସେ ଏହାକୁ ବିଶ୍ୱାସ କରୁ ନଥିଲେ। ଜେଲେନସ୍କି ଆମ କଥା ଶୁଣିବାକୁ ଚାହୁଁ ନ ଥିଲେ।
ୟୁକ୍ରେନକୁ ସାହାଯ୍ୟ କରିବା ପାଇଁ ପାଣ୍ଠି ସଂଗ୍ରହ ପାଇଁ ଡେମୋକ୍ରାଟିକ ପାର୍ଟିର ଅଭିଯାନ ସମୟରେ ଆମେରିକାର ରାଷ୍ଟ୍ରପତି ୱାଶିଂଟନରେ ଏହା କହିଛନ୍ତି।
ଯୁଦ୍ଧ ଆରମ୍ଭ ପୂର୍ବରୁ ଜେଲେନସ୍କି କାହାର କଥା ନ ଶୁଣିବାରୁ ଏବେ ଏଭଳି ସ୍ଥିତି ସୃଷ୍ଟି ହୋଇଥିବା ବାଇଡେନ୍ କହିଛନ୍ତି।