ଅହମଦାବାଦ,୧୯।୧୧ : ଆଇସିସି ବିଶ୍ୱକପ ୨୦୨୩ପାଇଁ ଅମ୍ପାୟାରଙ୍କ ନାମ ଘୋଷଣା କରିବା ଦିନଠାରୁ ଭାରତୀୟ ପ୍ରଶଂସକଙ୍କ ମଧ୍ୟରେ ଆତଙ୍କ ଖେଳିଯାଇଛି। ବାସ୍ତବରେ, ଆଇସିସି ରିଚାର୍ଡ କେଟଲବୋରୋ ଏବଂ ରିଚାର୍ଡ ଇଲିଙ୍ଗୱର୍ଥଙ୍କୁ ଫିଲ୍ଡ ଅମ୍ପାୟାର ଭାବରେ ଚୟନ କରିଛି। ବର୍ତ୍ତମାନ ଇଲିଙ୍ଗୱର୍ଥଙ୍କ ସହ ଭାରତୀୟ ପ୍ରଶଂସକଙ୍କ କୌଣସି ଅସୁବିଧା ନାହିଁ, କିନ୍ତୁ ତାଲିକାରେ କେଟଲବୋରୋଙ୍କ ନାମ ଦେଖିବା ପରେ ପ୍ରଶଂସକମାନେ ଅସନ୍ତୋଷ ବ୍ୟକ୍ତ କରିଛନ୍ତି। କାରଣ ଏହି ଅମ୍ପାୟାର ପ୍ରତ୍ୟେକ ଥର ଭାରତ ପାଇ ଅନଲକି ସାବ୍ୟସ୍ତ ହୋଇଛନ୍ତି। ଗତ ୯ ବର୍ଷର ଇତିହାସରେ ପ୍ରତ୍ୟେକ ମ୍ୟାଚ ବିଷୟରେ ରିଚାର୍ଡ କଟେଲବୋରୋ ଟିମ ଇଣ୍ଡିଆର ନକଆଉଟ ମ୍ୟାଚ ର ଏକ ଅଂଶ ହୋଇଥିଲେ ଏବଂ ଭାରତ ସେସବୁ ମ୍ୟାଚରେ ପରାଜିତ ହୋଇଥିଲା।
ରିଚାର୍ଡ କେଟଲବୋରୋ ସେହି ଆଇସିସି ଅମ୍ପାୟାରମାନଙ୍କ ମଧ୍ୟରୁ ଅନ୍ୟତମ, ଯେଉଁମାନେ ଟିମ ଇଣ୍ଡିଆର ବିଜୟ ପାଇଁ ଅନଲକି ହୋଇଥାନ୍ତି। ହଁ, ଯେତେବେଳେ ବି ରିଚାର୍ଡ କ୍ୟାଟଲବୋରୋ ନକଆଉଟ ମ୍ୟାଚରେ ଯୋଗ ଦେଇଛନ୍ତି, ସେତେବେଳେ ଭାରତ ସେହି ମ୍ୟାଚ ହାରିଛି। ଏହି କାରଣରୁ ଯେତେବେଳେ ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଖେଳାଯିବାକୁ ଥିବା ଫାଇନାଲ ମ୍ୟାଚ ପାଇଁ ଆଇସିସି ତାଙ୍କୁ ଫିଲ୍ଡ ଅମ୍ପାୟାର ଭାବରେ ମନୋନୀତ କଲା, ସେତେବେଳେ ଭାରତୀୟ ପ୍ରଶଂସକଙ୍କ ଆଶାକୁ ଏକ ବଡ ଝଟକା ଲାଗିଥିଲା।
ନକଆଉଟରେ ଭାରତର ପରାଜୟର ସାକ୍ଷୀ ରହିଛନ୍ତି ରିଚାର୍ଡ କେଟଲବୋରୋ। ଟିି-୨୦ ବିଶ୍ୱକପ ୨୦୧୪ରେ ଟିମ ଇଣ୍ଡିଆ ଫାଇନାଲରେ ଶ୍ରୀଲଙ୍କା ସହିତ ମୁହାଁମୁହିଁ ହୋଇଥିଲା, ଏବଂ ଭାରତ ହାରି ଯାଇଥିଲା। ସେହି ମ୍ୟାଚର ଅମ୍ପାୟାର ଥିଲେ ରିଚାର୍ଡ କ୍ୟାଟଲବୋରୋ ।
ତା’ପରେ ବିଶ୍ୱକପ ୨୦୧୫ରେ ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଏକ ସେମିଫାଇନାଲ ମ୍ୟାଚ ହୋଇଥିଲା, ଯେଉଁଠାରେ ରିଚାର୍ଡ କ୍ୟାଟଲବୋରୋ ପୁଣି ଥରେ ଅମ୍ପାୟାର ହୋଇଥିଲେ ଏବଂ ଟିମ ଇଣ୍ଡିଆକୁ ଏକ ପରାଜୟର ସମ୍ମୁଖୀନ ହେବାକୁ ପଡିଥିଲା।
ଟି-୨୦ ବିଶ୍ୱକପ ୨୦୧୬ରେ ୱେଷ୍ଟଇଣ୍ଡିଜ ଏବଂ ଭାରତ ମଧ୍ୟରେ ଏକ ସେମିଫାଇନାଲ ମ୍ୟାଚ ହୋଇଥିଲା, ଯେଉଁଥିରେ ଟିମ ଇଣ୍ଡିଆକୁ ପରାଜୟର ସାମ୍ନା କରିବାକୁ ପଡିଥିଲା। ସେହି ମ୍ୟାଚରେ ରିଚାର୍ଡ କ୍ୟାଟଲବୋରୋ ଅମ୍ପାୟାର ଥିଲେ।
ଆଜି ପର୍ଯ୍ୟନ୍ତ ଭାରତୀୟ ପ୍ରଶଂସକମାନେ ୨୦୧୭ରେ ଚାମ୍ପିଅନ୍ସ ଟ୍ରଫିର ଫାଇନାଲରେ ପାକିସ୍ତାନଠାରୁ ହୋଇଥିବା ପରାଜୟକୁ ଭୁଲି ପାରି ନାହାନ୍ତି। ସେହି ମ୍ୟାଚରେ ମଧ୍ୟ ରିଚାର୍ଡ କେଟଲବୋରୋ ଭାରତର ଲଜ୍ଜାଜନକ ପରାଜୟର ସାକ୍ଷୀ ହୋଇଥିଲେ।
ବିଶ୍ୱକପ ୨୦୧୯ ର ସେମିଫାଇନାଲ ମ୍ୟାଚରେ ଭାରତ ନ୍ୟୁଜିଲାଣ୍ଡଠାରୁ ସେମିଫାଇନାଲ ମ୍ୟାଚ ହାରିଥିଲା। ସେହି ମ୍ୟାଚରେ ରିଚାର୍ଡ କେଟଲବୋରୋ ମଧ୍ୟ ଫିଲ୍ଡ ଅମ୍ପାୟାର ଥିଲେ। ଏମଏସ ଧୋନିଙ୍କ ରନ ଆଉଟ ଉପରେ କେଟଲବୋରୋଙ୍କ ପ୍ରତିକ୍ରିୟା ଭାଇରାଲ ହୋଇଥିଲା।
ବିଶ୍ୱ ଟେଷ୍ଟ ଚାମ୍ପିଅନସିପ ୨୦୨୧ରେ ରିଚାର୍ଡ କେଟଲବୋରୋ ପୁଣି ଥରେ ଭାରତର ପରାଜୟର ସାକ୍ଷୀ ହୋଇଥିଲେ, ଯେତେବେଳେ ଫାଇନାଲ ଭାରତ ଏବଂ ନ୍ୟୁଜିଲାଣ୍ଡ ମଧ୍ୟରେ ହୋଇଥିଲା। ତା’ପରେ ସେ ଟିଭି ଅମ୍ପାୟାର ଭାବରେ ଏହି ମ୍ୟାଚର ଏକ ଅଂଶ ହୋଇଥିଲେ।