ବମ୍ବେ: ବର୍ଷେ କି ଦୁଇ ବର୍ଷ ନୁହେଁ ଦୀର୍ଘ ତିରିଶ ବର୍ଷର ମନୋମାଳିନ୍ୟ ଭୁଲିଛନ୍ତି ଶାହାରୁଖ ଖାନ୍ ଏବଂ ସନ୍ନି ଦେଓଲ। ଉଭୟ ଅଭିନେତା ଏକାଠି ହେବା ସହ ପରସ୍ପରକୁ ଶୁଭେଚ୍ଛା ଜଣାଇଛନ୍ତି। ଏହାର ଝଲକ ‘ଗଦର ୨’ର ସଫଳତାକୁ ନେଇ ନିର୍ମାତା ଦେଇଥିବା ପାର୍ଟିରେ ଦେଖିବାକୁ ମିଳିଛି।
ପାର୍ଟିରେ ବଲିଉଡର ଅନେକ କଳାକାର ଯୋଗ ଦେଇଥିଲେ। ସଲମାନ୍ ଖାନ୍, ଆମିର ଖାନ୍, ଶାହାରୁଖ ଖାନ୍ ପ୍ରମୁଖ ବିଗତ ଦିନର ଶତ୍ରୁତା ଭୁଲି ଗୋଟିଏ ସ୍ଥାନରେ ଏକାଠି ହୋଇଥିଲେ। ହେଲେ ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲେ ଶାହାରୁଖ-ସନ୍ନି।
‘ଡର’ ଚଳଚ୍ଚିତ୍ର ପରଠାରୁ ସନ୍ନି ଏବଂ ଶାହାରୁଖଙ୍କ ମଧ୍ୟରେ ମତାନ୍ତର ଦେଖିବାକୁ ମିଳିଥିଲା। ସନ୍ନି ନିଜେ କହିଥିଲେ ଯେ ସେ ଷୋହଳ ବର୍ଷ ଧରି ଶାହାରୁଖଙ୍କ ସହ କଥା ହୋଇନାହାନ୍ତି। ହେଲେ ‘ଗଦର ୨’ ଦେଖିବା ପୂର୍ବରୁ ଶାହାରୁଖ ସନ୍ନିଙ୍କୁ ଫୋନ୍ କରି ଶୁଭେଚ୍ଛା ଜଣାଇଥିଲେ।