ନୂଆଦିଲ୍ଲୀ,୧୯ ।୧୨: ଦେଶରେ କରୋନା ସଂକ୍ରମଣ ସଂଖ୍ୟା ୧ କୋଟି ଅତିକ୍ରମ କରି ଯାଇଥିବା ବେଳେ କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ ପୁଣିଥରେ କେନ୍ଦ୍ରର ଭାଜପା ସରକାରଙ୍କୁ ଟାର୍ଗେଟ କରିଛନ୍ତି । ସେ କହିଛନ୍ତି ବିନା ଯୋଜନାରେ କରାଯାଇଥିବା ଲକଡାଉନ ଯୋଗୁ କରୋନାକୁ ରୋକି ହେଲା ନାହିଁ । ଫଳରେ ଦେଶରେ ଲକ୍ଷ ଲକ୍ଷ ଲୋକଙ୍କ ଜୀବନ ଗଲା । ସେ ଟୁଇଟ୍ କରି କହିଛନ୍ତି ଦେଶରେ କରୋନା ସଂକ୍ରମଣ ସଂଖ୍ୟା ୧ କୋଟି ଅତିକ୍ରମ କରିଗଲା ଆଉ ପାଖାପାଖି ୧.୫ ଲକ୍ଷ ଲୋକଙ୍କ ମୃତ୍ୟୁ ହେଲା । ତେଣୁ ଅସଂଯୋଜିତ ଲକଡାଉନ କରି ୨୧ ଦିନ ମଧ୍ୟରେ କରୋନା ଯୁଦ୍ଧକୁ କେବେ ଜିତି ହେଲା ନାହିଁ । ଯାହା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଥିଲେ । ତେଣୁ ଏଥିରେ କୋଟି କୋଟି ଲୋକଙ୍କ ଜୀବନ ନଷ୍ଟ ହୋଇଗଲା । ତେବେ ଦେଶରେ କରୋନା ମହାମାରୀର କରାଳ ରୂପ ପାଇଁ କେବଳ ନରେନ୍ଦ୍ର ମୋଦିଙ୍କ ସରକାର ଦାୟୀ ବୋଲି ରାହୁଲ କହିଛନ୍ତି ।
1 Crore covid infections with almost 1.5 lakh deaths!
The unplanned lockdown did not manage to ‘win the battle in 21 days’ as the PM claimed, but it surely destroyed millions of lives in the country.
— Rahul Gandhi (@RahulGandhi) December 19, 2020
