ଭବାନୀପାଟଣା,୨୮।୯(ଡି.ଏନ୍.ଏ.): ରାଜ୍ୟରେ ବର୍ତ୍ତମାନ ପିଆଜ ଦରକୁ ନେଇ ଚିନ୍ତାରେ ଗ୍ରାହକ । କଳାହାଣ୍ଡି ଜିଲାରେ ବର୍ତ୍ତମାନ ପିଆଜ ଦର ରହିଛି କିଲୋ ପିଛା ୫୦ ଟଙ୍କା। ତେବେ ଏହାକୁ ସହଜରେ ଗ୍ରହଣ କରିପାରୁ ନାହାନ୍ତି ଜିଲାର ପିଆଜ ଚାଷୀ। ମୁଣ୍ଡ ଝାଳ ତୁଣ୍ଡ ରେ ମାରି ଯେଉଁ ପିଆଜ ୫ ଟଙ୍କା ଦରରେ ବିକ୍ରି କରିଥିଲେ ସେହି ପିଆଜକୁ ବଜାରରୁ ୫୦ ଟଙ୍କାରେ କିଣୁଛନ୍ତି ଚାଷୀ । ଯାହାକି ବହୁତ କଷ୍ଟ ବୋଲି ପ୍ରକାଶ କରିଛନ୍ତି ଜିଲାର ଚାଷୀ । ଏହା ସହ ସାଧାରଣ ଲେକେ ମଧ୍ୟ ପିଆଜ ଦରକୁ ନେଇ ଚିନ୍ତାରେ ରହୁଛନ୍ତି। କେଜିଏ ସ୍ଥାନରେ ଅଧକେଜି ପିଆଜ କିଣି କାର୍ଯ୍ୟ ଚଳାଉଥିବା କହିଛନ୍ତି।