ସୁନ୍ଦରଗଡ,୧।୬(ଜୟ ନାରାୟଣ ମେଣ୍ଡୁଳି): ଧରିତ୍ରୀର ରାଉରକେଲା ଫଟୋ ଖବରଦାତା ବିବେକ ମହାନ୍ତିଙ୍କ ଶନିବାର ଭୋରରେ ଅକାଳ ବିୟୋଗ ଘଟିଛି। ମୃତ୍ୟୁବେଳକୁ ତାଙ୍କୁ ୩୦ ବର୍ଷ ବୟସ ହୋଇଥିଲା। ସେ ରାଉରକେଲା ଧରିତ୍ରୀ ଅଫିସରେ ଫଟୋ ଖବରଦାତା ଭାବେ କାର୍ଯ୍ୟରତ ଥିଲେ। ଗତ କିଛମାସ ହେବ ସେ ଲିଭର୍(ଯକୃତ) ଜନିତ ସମସ୍ୟା ଯୋଗୁ ଚିକିତ୍ସିତ ହେଉଥିଲେ। କଟକରୁ ଗତମାସରେ ଚିକିତ୍ସିତ ହୋଇ ଘରକୁ ଫେରିଥିଲେ। ହେଲେ ହଠାତ ତାଙ୍କ ମୃତ୍ୟୁ ଖବର ପାଇ ବହୁ ଖବରଦାତା, ଫଟୋଗ୍ରାଫର ଓ ବନ୍ଧୁ ପରିଜନ ତାଙ୍କ ରାଉରକେଲା ଫର୍ଟିଲାଇଜର ଇନ୍ଦିରା ପାଲି ସ୍ଥିତ ବାସଭବନରେ ପହଞ୍ଚି ତାଙ୍କ ଶେଷ ଦର୍ଶନ କରିଥିଲେ। ଧରିତ୍ରୀର ଜଣେ ଫଟୋ ଖବରଦାତା ଭାବେ ନିଷ୍ଠାପର ଭାବେ କାର୍ଯ୍ୟ କରି ସେ ସବୁରି ମହଲରେ ପ୍ରିୟଭାଜନ ହୋଇପାରିଥିଲେ। ବିବେକଙ୍କ ମୃତ୍ୟୁ ପରେ ତାଙ୍କ ମା’ବାପା ଓ ଏକ ମାତ୍ର ଭାଇ ଦୁଖରେ ଭାଙ୍ଗି ପଡିଛନ୍ତି। ତେବେ ତାଙ୍କ ମୃତ୍ୟୁକୁ ଧରିତ୍ରୀ ପରିବାର ପକ୍ଷରୁ ଶୋକ ପ୍ରକାଶ କରାଯାଇଛି।
