ଜଳେଶ୍ୱର, ୧୦ା୫ (ଡି.ଏନ୍.ଏ.)-ବାଲେଶ୍ୱର ଜିଲା ଜଳେଶ୍ୱର ବ୍ଲକର ଚାଷୀମାନଙ୍କ ମୁଖ୍ୟ ଫସଲ ଧାନଚାଷ ା ଏହି ଧାନଚାଷରୁ ସେମାନଙ୍କ ଗୁଜୁରାଣ ମେଣ୍ଟିଥାଏ। କୃଷି ବିଭାଗର ରିପୋର୍ଟ ଅନୁଯାୟୀ ଚଳିତବର୍ଷ ବ୍ଲକରେ ୨୧୩୦୦ ଏକର ଜମିରେ ରବି ଧାନଚାଷ ହୋଇଛି। ବିଭିନ୍ନ ସମୟରେ ରୋଗପୋକକୁ ସାମ୍ନା କରି ଚାଷୀମାନେ ନୟାନ୍ତ ହୋଇଥିବା ବେଳେ ଅଦିନିଆ ବର୍ଷା ସେମାନଙ୍କ ମେରୁଦଣ୍ଡ ଭାଙ୍ଗି ଦେଇଛି ା ଗତ ୧୦ଦିନ ହେଲା ପ୍ରତ୍ୟେକ ଅପରାହ୍ନରେ ବର୍ଷା ପବନ ଲାଗି ରହିଥିବାରୁ ଚାଷୀମାନେ ସେମାନଙ୍କ ଉପତ୍ନ୍ନ ଚାଷକୁ ଅମଳ କରିବାରେ ଅସମର୍ଥ ହୋଇଛନ୍ତି ା ଏବେ ବିଲରେ ଧାନକଟା ହୋଇପଡିଛି ା ଲକ୍ଡାଉନ ଚାଲୁଥିବାରୁ ପଶ୍ଚିମବଙ୍ଗରୁ କୃଷି ଶ୍ରମିକ ଆସିବା ସମ୍ଭବ ହୋଇପାରୁନାହିଁ ା ତେଣୁ ହାର୍ଭେଷ୍ଟର୍ ଓ ଟ୍ରାକ୍ଟର ଉପରେ ନିର୍ଭର କରିବାକୁ ଚାଷୀ ବାଧ୍ୟ ହେଉଛି ା ୧ ଏକର ଧାନ ଅମଳ ପାଇଁ ୭ହଜାର ଟଙ୍କା ଖର୍ଚ୍ଚ ହେଉଛି। ଏପରିକି ଠିକ୍ ସମୟରେ ମେଶିନ ନ ପାଇ ଚାଷୀ ଚିନ୍ତାରେ ବସିଛି ା ଏଣେ ଓଦା ଧାନକୁ ଖଳାରେ ଶୁଖାଇବା ସମ୍ଭବ ହୋଇପାରୁନାହିଁ ା ହାର୍ଭେଷ୍ଟର ଓ ଟ୍ରାକ୍ଟର ଭଡା ଭରଣ ପାଇଁ ଚାଷୀ ଉପତ୍ନ୍ନ ଧାନକୁ ଅଭାବୀ ବିକ୍ରି କରିବାକୁ ବାଧ୍ୟ ହେଉଛି ା ପଶ୍ଚିମବଙ୍ଗର ଦଲାଲମାନେ ଏହାର ସୁଯୋଗ ନେଇ ଚାଷୀଙ୍କୁ ଠକି କୁଇଣ୍ଟାଲ ପ୍ରତି ୧ ହଜାର ଟଙ୍କାରେ କିଣୁଛନ୍ତି । ଏଯାଏ ଧାନମଣ୍ଡି ଖୋଲାଯାଇନାହିଁ ା ଖୁବ୍ଶୀଘ୍ର ମଣ୍ଡି ଖୋଲାଯିବ ବୋଲି ସମବାୟବିତ୍ ମାନସ ଜେନା କହିଛନ୍ତି। କେତେ ଆଶା ବାନ୍ଧି ବସିଥିବା ଚାଷୀ ଏବେ ଏକର ପ୍ରତି ମାତ୍ର ୨ରୁ ୩ହଜାର ଲାଭ କରିବ, ଯାହାକି ତାର ଆର୍ଥିକ ମାନଦଣ୍ଡକୁ ଭୁଶୁଡି ପକାଇବ। ଝିପି ଝିପି ବର୍ଷା ଫଳରେ ଜମିରେ ପାଣି ଜମିଥିବାରୁ ଟ୍ରାକ୍ଟର ଚକରେ କାଦୁଅ ଆସି ଗ୍ରାମ୍ୟ ରାସ୍ତାଠୁ ଆରମ୍ଭ କରି ଜାତୀୟ ରାଜପଥର ଅବସ୍ଥା ବେହାଲ ହୋଇଛି ା ପିଚୁ କିମ୍ବା କଂକ୍ରିଟ ରାସ୍ତା ଉପରେ ୪ ଇଞ୍ଚ କାଦୁଅ ଜମା ହୋଇଛି ା ସାଧାରଣ ପଥଚାରୀ ଚାଲି ଚାଲି ଯିବା କଷ୍ଟକର ହୋଇପଡୁଛି। ଏପରିକି ୨ଚକିଆ ଓ ୩ ଚକିଆ ଯାନବାହନ ମଧ୍ୟ ଦୁର୍ଘଟଣାର ସମ୍ମୁଖୀନ ହେଉଛନ୍ତି ା ତେଣୁ ଶୀଘ୍ର ସମବାୟ ଜରିଆରେ ଧାନ କିଣିବାକୁ କୃଷକ ନେତା ସୁଦାମ ପାତ୍ରଙ୍କ ସହିତ ବହୁ ଚାଷୀ ଦାବି କରିଛନ୍ତି ା