ନୂଆଦିଲ୍ଲୀ,୧୧ା୯: ଅନ୍ତଃରାଷ୍ଟ୍ରୀୟ ସ୍ପୋର୍ଟସ ଡ୍ରେସ୍ ସ୍ପେଶାଲିଷ୍ଟ ଆଡିଡାସ୍ ପକ୍ଷରୁ ଫେଡେରେଶନ କିଟ୍ସର ଉନ୍ମୋଚନ କରାଯାଇଛି। ବିଶେଷକରି ଆଡିଡାସ୍ ଆର୍ଜେଣ୍ଟିନା, ଜର୍ମାନୀ, ଜାପାନ, ମେକ୍ସିକୋ ଓ ସ୍ପେନ୍ ଭଳି ଜାତୀୟ ଦଳ ପାଇଁ ସୃଷ୍ଟି ହୋଇଥିବା ହୋମ୍ ଏବଂ ଆୱେ ଫେଡେରେଶନ କିଟ୍ସର ଉନ୍ମୋଚନ କରିଛି। ଆଗକୁ ମଧ୍ୟ ଅନ୍ୟ ଦେଶର କିଟ୍ସଗୁଡିକ ଉନ୍ମୋଚନ ହେବା ଯୋଜନା ରହିଛି। ଏପରିକି ବିଶ୍ୱର ସବୁଠୁ ବଡ଼ କ୍ରୀଡ଼ା ମଞ୍ଚ ଫିଫା ବିଶ୍ୱକପ୍-୨୦୨୨ରେ ଏହା ବେଶ୍ ଆକର୍ଷଣୀୟ ପୋଷାକ ଭାବେ ସ୍ଥାନ ପାଇବ।
ଏ ସମ୍ପର୍କରେ ଆଡିଡାସ୍ର ସିନିୟର ଡିଜାଇନ ନିର୍ଦ୍ଦେଶକ (ଫୁଟ୍ବଲ) ଜୁର୍ଗେନ ର଼୍ୟାଙ୍କ୍ କହିଛନ୍ତି, ଆଡିଡାସ୍ ପ୍ରତ୍ୟେକ ଫେଡେରେଶନର ଏକ ନୂତନ ସୃଜନଶୀଳତାକୁ ଦେଖି ଆସିଛି ଓ ସେହି ଅନୁସାରେ ଡିଜାଇନ ମଧ୍ୟ ପ୍ରସ୍ତୁତ କରୁଛି। ଭବିଷ୍ୟତ ଉପଯୋଗୀ ଗ୍ରାଫିକ ଡିଜାଇନ ଏହାର ପ୍ରତିଟି ଉପତ୍ାଦକୁ ପ୍ରତିନିଧିତ୍ୱ କରେ। ଯେତେବେଳ ଆମେ ଫିଫା ବିଶ୍ୱକପ୍ ପରି ଟୁର୍ନାମେଣ୍ଟ ପାଇଁ ଜାତୀୟ ଦଳ କିଟ୍ ଡିଜାଇନ କରୁ, ସେତେବେଳ ଆମେ ସବୁବେଳେ ମନେରଖୁ ଯେ ଏହି ଡିଜାଇନଗୁଡ଼ିକ ଫୁଟ୍ବଲ ଇତିହାସର ଏକ ଅଂଶ ହୋଇ ରହିବ। ଆମ ପାଇଁ ଏହା ବେଶ୍ ଗୁରୁତ୍ୱପୂର୍ଣ୍ଣ ଯେ ଏହି କିଟ୍ ପ୍ରସ୍ତୁତି ଆଥ୍ଲେଟମାନଙ୍କୁ ଆକୃଷ୍ଟ କରିବା ସହ ସେମାନଙ୍କୁ ସର୍ବୋଚ୍ଚ ସ୍ତରରେ କ୍ରୀଡ଼ା ପ୍ରଦର୍ଶନ ପାଇଁ ମଧ୍ୟ ଉତ୍ସାହିତ କରିବ ବୋଲି ର଼୍ୟାଙ୍କ୍ ମତବ୍ୟକ୍ତି କରିଛନ୍ତି।
ସେହିଭଳି କାର୍ଯ୍ୟଦକ୍ଷତା ଓ ସ୍ଥାୟିତ୍ୱକୁ ସର୍ବୋଚ୍ଚ ପ୍ରାଥମିକତା ସହ କିଟ୍ ଉପରେ ଏକ ସ୍ଥିର ଡିଜାଇନ ପଦ୍ଧତି ନିଆଯାଇଛି। ଏହା ଉଭୟ ସୃଜନଶୀଳତା ଓ ଆଇକନିକ୍ ସରଳତାକୁ ପ୍ରଦର୍ଶନ କରିଥାଏ। ଆମର ସବୁ କିଟ୍ସ ୧୦୦% ରିସାଇକଲ୍ଡ ପଲିଷ୍ଟର ସହ ପ୍ଲାଷ୍ଟିକ ବର୍ଜ୍ୟବସ୍ତୁର ପରିସମାପ୍ତି ବୋଲି ଆଡିଡାସ୍ର ଲକ୍ଷ୍ୟ ରହିଛି।