ମୁମ୍ବାଇ: ବିଗ ବସ ଓଟିଟି ଫେମ ଉର୍ଫି ଜାଭେଦ ପ୍ରାୟ ସବୁବେଳେ ରହିଥାଆନ୍ତି ଚର୍ଚ୍ଚାରେ । ତାଙ୍କର ଅତରଙ୍ଗି ଡ୍ରେସିଂ ସେନ୍ସକୁ ନେଇ ଜାଭେଦଙ୍କ ନାଁ ଏବେ ଚର୍ଚ୍ଚାରେ ରହିଆସୁଛି । ଏବେ ଉର୍ଫିଙ୍କୁ ନେଇ ଆସିଛି ଏକ ବଡ ଖବର । ରିପୋର୍ଟ ଅନୁଯାୟୀ, ଉର୍ଫିଙ୍କୁ ଏବେ ବଳାତ୍କାର ଓ ହତ୍ୟା ଧମକ ଦିଆଯାଇଛି । ଏହାପରେ ଅଭିଯୁକ୍ତଙ୍କ ବିରୋଧରେ ପୋଲିସରେ ଅଭିଯୋଗ ଦାଖଲ କରାଯାଇଛି ।
ସୂଚନାଯୋଗ୍ୟ, ଜଣେ ବ୍ୟକ୍ତି ହ୍ୱାଟସଆପ କଲ କରି ଉର୍ଫିଙ୍କୁ ବଳାତ୍କାର ସହ ହତ୍ୟା ଧମକ ଦେଇଛନ୍ତି । କେବଳ ସେତିକି ନୁହେଁ ସେ ଉର୍ଫିଙ୍କୁ ବହୁତ ଗାଳି ବି କରିଛନ୍ତି । ଅଭିଯୁକ୍ତ ଜଣଙ୍କ ଉର୍ଫିଙ୍କୁ ଭିନ୍ନ ଭିନ୍ନ ମୋବାଇଲ ନମ୍ବରରୁ ଧମକ ଦେଇଥିବା ଜଣାପଡିଛି । ଏହାର କଲ ରେକର୍ଡିଂ ରହିଛି । ତେବେ ଉର୍ଫିଙ୍କୁ ଯିଏ ଧମକ ଦେଇଛନ୍ତି ସେ ହେଉଛନ୍ତି ନବୀନ ଗିରି । ତାଙ୍କ ନାଁରେ ମୁମ୍ବାଇର ଗୋରୋଗାଁଓ ପୋଲିସ ଷ୍ଟେଶନରେ ଅଭିଯୋଗ କରାଯାଇଛି । ଅବଶ୍ୟ ଉର୍ଫିଙ୍କ ପାଇଁ ଏଭଳି ଧମକ କିଛି ନୂଆ କଥା ନୁହେଁ । ପୂର୍ବରୁ ବି ଉର୍ଫିଙ୍କୁ ଏଭଳି ଧମକ ମିଳିସାରିଛି ।
