ଲକ୍ଷ୍ନୌ,୨୩।୨: ଉତ୍ତରପ୍ରଦେଶରେ ଚତୁର୍ଥ ପର୍ଯ୍ୟାୟରେ ୯ଟି ଜିଲାର ୫୯ଟି ବିଧାନସଭା ଆସନ ପାଇଁ ବୁଧବାର ମତଦାନ ଜାରି ରହିଛି। ୫୯ଟି ଆସନରୁ ମୋଟ ୬୨୪ ଜଣ ପ୍ରାର୍ଥୀଙ୍କ ଆଜି ଭାଗ୍ୟ ନିର୍ଦ୍ଧାରଣ ହେବ। ସକାଳ ୭ଟାରୁ ଭୋଟ ଗ୍ରହଣ ଆରମ୍ଭ ହୋଇଥିବା ବେଳେ ସନ୍ଧ୍ୟା ୬ଟାରେ ଶେଷ ହେବ। ଏହି ସମୟରେ ସମୁଦାୟ ୨.୧୩ କୋଟି ଭୋଟର ନିଜର ଅଧିକାର ସାବ୍ୟସ୍ତ କରୁଛନ୍ତି। ସେଥିମଧ୍ୟରୁ ୧.୧୪ କୋଟି ପୁରୁଷ ଭୋଟର ଥିବା ବେଳେ ୯୯.୩ ଲକ୍ଷ ମହିଳା ଭୋଟର ଅଛନ୍ତି। ଚତୁର୍ଥ ପର୍ଯ୍ୟାୟ ପାଇଁ ସମୁଦାୟ ୧୩୮୧୭ ମତଦାନ କେନ୍ଦ୍ରରେ ଭୋଟ ଗ୍ରହଣ ଚାଲିଥିବା ବେଳେ ପୋଲିସ ପକ୍ଷରୁ କଡା ସୁରକ୍ଷା ବ୍ୟବସ୍ଥା କରାଯାଇଛି। ସକାଳୁ ଲମ୍ବା ଲାଇନ୍ରେ ଠିଆ ହୋଇ ଭୋଟରମାନେ ବହୁ ଉତ୍ସାହର ସହ ନିଜର ମତଦାନ କରୁଥିବାେଦେଖିବାକୁ ମିଳିଛି। ଇତିମଧ୍ୟରେ ସକାଳୁ ସକାଳୁ ଲକ୍ଷ୍ନୌର ଏକ ମତଦାନ କେନ୍ଦ୍ରରେ ବହୁଜନ ସମାଜ ପାର୍ଟି(ବିଏସ୍ପି)ର ସୁପ୍ରିମୋ ମାୟାବତୀ ନିଜର ମତଦାନ ସାବ୍ୟସ୍ତ କରିଛନ୍ତି। ଏଥିସହ ସେ ଭୋଟରଙ୍କୁ ଅପିଲ କରିଛନ୍ତି, ସମସ୍ତେ ନିଜର ଭୋଟ ବ୍ୟବହାର କରିବା ଉଚିତ୍। କାରଣ ଗୋଟିଏ ଗୋଟିଏ ଭୋଟ ବହୁ ଗୁରୁତ୍ୱପୂର୍ଣ୍ଣ। ଗଣତନ୍ତ୍ର ପାଇଁ ଭୋଟ ଦେବା ଜରୁରୀ ବୋଲି ମାୟାବତୀ କହିଛନ୍ତି। ଅନ୍ୟପଟେ ଭାଜପା ନେତ୍ରୀ ଆଦିତି ସିଂ ରାଏ ମଧ୍ୟ ବରେଲିରେ ଭୋଟ ଦେଇଛନ୍ତି। ସେ କହିଛନ୍ତି, ଏଠାରେ କଂଗ୍ରେସର କିଛି ନାହିଁ। ଏହି ଅଞ୍ଚଳକୁ କଂଗ୍ରେସର ଗଡ଼ ବୋଲି କହିବା ବନ୍ଦ କରନ୍ତୁ। ମୁଁ ରାଏବରେଲିଙ୍କୁ ସବୁବେଳେ ସୁରକ୍ଷିତ ରଖିବି।
