ନୂଆଦିଲ୍ଲୀ,୧୪ ।୨: ଉତ୍ତର ପ୍ରଦେଶ ବିଧାନସଭାର ଦ୍ୱିତୀୟ ପର୍ଯ୍ୟାୟ ମତଦାନ ଆରମ୍ଭ ହୋଇଯାଇଛି । ଶାହଜହାଂପୁରରେ ରାଜ୍ୟର ଅର୍ଥମନ୍ତ୍ରୀ ସୁରେଶ ଖାନ୍ନା ମନ୍ଦିରରେ ଦର୍ଶନ କରି ପରେ ମତଦାନ କରିଛନ୍ତି । ସେ କହିଛନ୍ତି ଆମେ ୩୦୦ରୁ ଅଧିକ ଆସନରେ ବିଜୟୀ ହେବୁ ଏହାସହ ଶାହଜହାଂପୁରରେ ୬ ଆସନରେ ଜିତିବୁ । ଗୋଆରେ ବି ବିଧାନସଭା ଆସନ ଲାଗି ମତଦାନ ଆରମ୍ଭ ହୋଇଯାଇଛି । ରାଜ୍ୟପାଳ ପି.ଏସ୍, ଶ୍ରୀଧର ପିଲ୍ଲଇ ଓ ତାଙ୍କ ପତ୍ନୀ ତଲେଇ ଗାଓରେ ଥିବା ମତଦାନ କେନ୍ଦ୍ର ସଂଖ୍ୟା-୧୫ରେ ଭୋଟ ଦେଇଛନ୍ତି । ଉତ୍ତର ପ୍ରଦେଶ ଓ ଗୋଆରେ ସକାଳ ୭ଟାରୁ ଭୋଟ ଗ୍ରଣ ଆରମ୍ଭ ହୋଇଥିିବା ବେଳେ ଉତ୍ତରାଖଣ୍ଡରେ ସକାଳ ୮ଟାରେ ଭୋଟ ଗ୍ରହଣ କରାଯିବ ।
